Joriy yilning 27 aprel kuni O'zbekiston Respublikasi jamoat xavfsizligi universitetida "iqtisodiy fanlar" kafedrasi tomonidan "O'zbekiston Respublikasi bank tizimida amalga oshirilayotgan islohotlar va pul-kredit siyosatining asosiy yo'nalishlari" mavzusida davra suxbati o'tkazildi. Davra suxbatini O'zbekiston Respublikasi "O'zbekiston sanoat-qurilish" bankining bosh mutaxassisi Sagdullaev Baxtiyor Saydullaevich olib bordi. Mazkur davra suhbatida universitet professor-o'qituvchilari hamda bakalavriat fakulteti kursantlari ishtirok etdi. Baxtiyor Sagdullaev o'z ma'ruzasida kursantlarga bank tizimidagi moliyaviy-iqtisodiy xavfsizlikni ta'minlash bo'yicha amalga oshirilayotgan chora-tadbirlar, pul-kredit siyosatining asosiy yo'nalishlari, inflyasiyani targetlash tizimi, kreditlash masalalari hamda istiqbolda amalga oshirilishi nazarda tutilgan islohotlar, shuningdek bu borada O'zbekiston Respublikasining 2022-2026 yillarga mo'ljallangan taraqqiyot strategiyasida belgilangan vazifalardan kelib chiqib ma'lumotlar berildi.  Davra suxbati taqdimot asosida o'tkazilib, kursantlar o'zlari uchun qiziqarli bo'lgan savollarga tegishli javoblar olishdi.