Harbiylar xalqimizning ma'naviy yetuk farzandlari bo'lishi kerak. Buning uchun shaxsiy tarkibning ma'naviy yetukligini, harbiy xizmatchilarning jangovar tayyorgarligini yuksaltirish lozim.

Kafedra tarixi:

2017 yilda O‘zbekiston Respublikasi Milliy gvardiyasi Harbiy-texnik instituti tarkibida Umumharbiy fanlar kafedrasi tashkil etilgan. Ta’lim muassasasiga Universitet maqomi berilgach, “Umumiy taktika va operativ san’at” kafedrasi deb qayta nomlangan. 

Kafedra maqsadi:

Jamoat xavsizligini ta'minlashda, shuningdek  zamonaviy harbiy (qurolli) mojarolarda bo‘linmalar tarkibida taktik harakatlarni olib borish, jangovar harakatlarni har tomonlama ta’minlash, taktik bo‘g‘in, magistratura tinglovchiari uchun esa taktik hamda operativ-taktik bo‘g‘in bo‘linmalari va qo‘shilmalarini jangovar qo‘llash, jangovar vazifani bajarishda ularni mohirona boshqara olish, turli sharoitlarda, shu jumladan shahar sharoitida jangovar-xizmat vazifalarini bajarish bo‘yicha tinglovchi va kursantlarga bilim va ko‘nikmalar berish. Vatanparvar, fidoiy, professional harbiy kadrlarni tayyorlash hamda sohaga oid ilmiy-tadqiqot ishlarini olib borish.

Kursantlarga zamonaviy harbiy (qurolli) mojarolarda bo‘linmalar tarkibida taktik harakatlarni olib borish, jangovar harakatlarni har tomonlama ta’minlash, taktik bo‘g‘in, magistratura tinglovchiari uchun esa taktik hamda operativ-taktik bo‘g‘in bo‘linmalari va qo‘shilmalarini jangovar qo‘llash, jangovar vazifani bajarishda ularni moxirona boshqara olish, turli, shu jumladan shahar sharoitlarida jangovar-xizmat vazifalarini bajarish bo‘yicha bilim va ko‘nikmalarga ega bo‘lishlarini ta’minlashdir.

Kafedrada Taktik tayyorgarlik, Harbiy muhandislik tayyorgarligi, Harbiy topografiya, Ommaviy qirgʻin qurollaridan himoyalanish, Uchuvchisiz uchish apparatlari va geoaxborot tizimlarini qoʻllash, Boʻlinmalarni kundalik faoliyatini boshqarish hamda “Zamonaviy harbiy (qurolli) mojarolar tahlili fanlari oʻqitiladi.

Kafedradagi fanlar doirasida kursant va tinglovchilar zamonaviy harbiy (qurolli) mojarolarda bo‘linma tarkibida taktik harakatlarni olib borish, jangovar harakatlarni har tomonlama ta’minlash bo‘yicha bilim va ko‘nikmalarga ega bo‘ladilar. Kafedrada fanlarni o‘qitishda asosiy e’tibor noqonyniy qurolli tuzilmalarni zararsizlantirish bo‘yicha maxsus harakatlarni tashkillashtirish va olib borish, shahar sharoitlarida, shu jumladan ko‘p qavatli binolar sharoitlarida jangovar vazifalarni bajarish, vzvod (otryad) va undan kichik bo‘lgan bo‘linmalarni jangovar vazifani bajarish vaqtida boshqarishni o‘rgatishga qaratiladi.

A.Yu.Golubenko O‘zbekiston Respublikasi Prezidentinig Farmoni bilan “Do‘stlik” ordeni bilan mukofotlandi;

X.U.Usmanovaga O‘zbekiston Respublikasi Oliy attestatsiya komissiyasining 234/1-sonli bayonnomasi bilan Analitik kimyo ixtisosligi bo‘yicha “Dotsent” ilmiy unvoni berildi;

B.M.Murodovga O‘zbekiston Respublikasi Oliy attestatsiya komissiyasining 67c/2 bayonnomasi bilan Harbiy ta’lim va tarbiya, jangovar tayyorgarlik, kadrlarni tanlash va joylashtirish, qismlarning kundalik faoliyatini boshqarish ixtisosligi bo‘yicha “Dotsent” ilmiy unvoni berildi;

Kafedra katta o‘qituvchisi R.N.Ashurov O‘zbekiston Respublikasi Milliy gvardiyasi qo‘mondoninig buyrug‘i bilan “A’lo xizmatlari uchun” ko‘krak nishoni bilan taqdirlandi.

Kafedra professori kimyo fanlari doktori (DSc) X.U.Usmanovaga “Fuqarolar himoyasi. Favqulodda holatlarining oldini olish hamda ularni bartaraf etish vositalari va usullari” ixtisosligi boʻyicha "Professor" ilmiy unvoni berildi.

Kafedra oʻqituvchisi A.A.Ernazarov 2024 yili iyun oyida pedagogika fanlari boʻyicha falsafa doktori (PhD) ilmiy darajasini olish uchun dissertatsiya ishini muvaffaqiyatli himoya qildi.

Kafedra tomonidan bugungi kunda bir qator ta‘lim muassasalari hamda sohaviy xizmatlar bilan hamkorlik aloqalari o‘rnatilgan. Jumladan:

O‘zbekiston Respublikasi Mudofaa vazirligi Chirchiq oliy tank qo‘mondonlik-muhandislik bilim yurtining “Taktika” kafedrasi

O‘zbekiston Respublikasi Ichki ishlar vazirligi Maxsus operatsiyalarni muvofiqlashtirish boshqarmasi Maxsus tayyorgarlik o‘quv markazi

O‘zbekiston Respublikasi Favqulodda vaziyatlar vazirligi Akademiyasining “Harbiy va jismoniy tayyorgarlik” kafedrasi

O‘zbekiston Respublikasi Bojxona institutining “Harbiy va jismoniy tayyorgarlik va avtomobil ishi” kafedrasi

O‘zbekiston Respublikasi IIV Akademiyasining “Umumiy harbiy fanlar” kafedrasi