Sayt test rejimida ishlamoqda

Oliy ta'limdan keyingi ta'lim

Fakultet 2018 yilda ilmiy-pedagogik kadrlarni tayyorlash markazi sifatida faoliyat boshlagan. Markaz boshligʼi yuridik fanlar boʼyicha falsafa doktori (PhD) D.X.Mamarasulov, 2021 yildan  yuridik fanlar boʼyicha falsafa doktori (PhD), dotsent M.I.Maxsadov boshqargan.

Ilmiy-pedagogik kadrlarni tayyorlash markazida M.M.Nurmatov, А.K.Zakurlaev, N.I.Xayriev, M.Sh.Choriev, M.T.Аxmedova, D.Chinniev, Sh.F.Fayziev, O.K.Turgʼunov, Sh.X.Zulfiqarov, T.T.Madumarov, M.Аminjanova, Q.Matkarimovlar – yuridik fanlar doktori, M.Dj.Ziyadullaev, D.R.Maxmudov, G.B.Nurmuxammedova, U.R.Nizametdinxodjaev, X.А.Kuchkarov, X.Z.Kuchkarov, E.O.Xomidov, А.Аnorboevlar - yuridik fanlar boʼyicha falsafa doktori (PhD), А.Vinogradov, B.Xotamov, Ye.Gluxovlar - texnika fanlari boʼyicha falsafa doktori (PhD), harbiy fanlar tarmogʼi boʼyicha S.B.Raxmonov - harbiy fanlar boʼyicha falsafa doktori (PhD),  M.I.Maxsadov, D.X.Mamarasulov, M.I.Аlimov, Oʼ.M.Davletov, X.M.Olimjonovlar - yuridik fanlar boʼyicha falsafa doktori (PhD), I.X.Kuldashev - texnika fanlari boʼyicha falsafa doktori (PhD), Gʼ.Z.Ikmatullaev - pedagogika fanlari boʼyicha falsafa doktori (PhD) ilmiy darajalariga ega boʼlishdi.

Oʼzbekiston Respublikasi Prezidentining 2021 yil 15 apreldagi “Jamoat xavfsizligini taʼminlash sohasida professional kadrlarni tayyorlash tizimini yanada takomillashtirish chora-tadbirlari toʼgʼrisida”gi PQ-5077-son qarori bilan Milliy gvardiya Harbiy-texnik instituti Oʼzbekiston Respublikasi Jamoat xavfsizligi universiteti etib qayta tashkil etilib, markaz Oliy taʼlimdan keyingi taʼlim fakulteti maqomini oldi. Fakultetda oʼqish ikki bosqichda – tayanch doktorantura va doktorantura shaklida tashkil etilgan. Hozirda fakultetda quyidagi ixtisosliklar boʼyicha tayanch doktorantura, doktorantura va mustaqil izlanuvchilik shakllarida oliy malakali ilmiy va ilmiy-pedagogik kadrlar tayyorlanmoqda:

  • 01.01.02 – Differentsial tenglamalar va matematik fizika;
  • 05.01.06 – Hisoblash texnikasi va boshqaruv tizimlarining elementlari va qurilmalari;
  • 05.04.02 – Radiotexnika, radionavigatsiya, adiolokatsiya va televidenie tizimlari va qurilmalari. Mobil, tolaoptik aloqa tizimlari;
  • 07.00.01 – Oʼzbekiston tarixi;
  • 08.00.01 – Iqtisodiyot nazariyasi;
  • 09.00.01 – Ontologiya, gnoseologiya va mantiq;
  • 12.00.01 – Davlat va huquq nazariyasi va tarixi. Huquqiy taʼlimotlar tarixi;
  • 12.00.02 – Konstitutsiyaviy huquq. Maʼmuriy huquq. Moliya va bojxona huquqi;
  • 12.00.03 – Fuqarolik huquqi. Tadbirkorlik huquqi. Oila huquqi. Xalqaro xususiy huquq;
  • 12.00.04 – Fuqarolik protsessual huquqi. Xoʼjalik protsessual huquqi. Hakamlik jarayoni va mediatsiya;
  • 12.00.05 – Mehnat huquqi. Ijtimoiy taʼminot huquqi;
  • 12.00.08 – Jinoyat huquqi, huquqbuzarliklarning oldini olish. Kriminologiya. Jinoyat-ijroiya huquqi;
  • 12.00.09 – Jinoyat protsessi. Kriminalistika, tezkor-qidiruv huquq va sud ekspertizasi;
  • 13.00.02 – Taʼlim va tarbiya nazariyasi va metodikasi (sohalar boʼyicha);
  • 21.01.02 – Strategiya (jumladan Qurolli Kuchlar boshqaruvi, strategik yoyilish, strategik operatsiyalar (jangovar harakatlar) va ularning barcha koʼrinishdagi taʼminoti, davlatning harbiy xavfsizligi aspektlari, harbiy siyosatshunoslik);
  • 21.01.04 – Umumiy taktika, Qurolli Kuchlar koʼrinishlari, qoʼshin turlari va maxsus qismlar boʼyicha (jumladan boshqaruv va jangning barcha koʼrinishdagi taʼminoti);
  • 21.01.05 – Qurolli Kuchlar qurilishi (jumladan Qurolli Kuchlar turlari, Qurolli Kuchlar front orti, qoʼshin turlari va maxsus qismlar boʼyicha);
  • 21.01.06 – Harbiy taʼlim va tarbiya, jangovar tayyorgarlik, kadrlarni tanlash va joylashtirish, qoʼshinlarning kundalik faoliyatini boshqarish (jumladan Qurolli Kuchlar turlari, Qurolli Kuchlar front orti, qoʼshin turlari va maxsus qismlar boʼyicha);
  • 21.02.03 – Harbiy huquq, xalqaro huquqning harbiy muammolari;
  • 21.02.24 – Fuqarolar himoyasi. Favqulodda holatlarning oldini olish hamda ularni bartaraf etish vositalari va usullari;
  • 21.02.25 – Harbiy elektronika, harbiy majmualar apparatlari.

Universitetda faoliyat yuritib kelayotgan yuridik fanlar boʼyicha ilmiy darajalar beruvchi Ilmiy kengash bilan bir qatorda, Oliy attestatsiya komissiyasining qarori bilan harbiy fanlar boʼyicha ilmiy darajalar beruvchi yopiq Ilmiy kengash tashkil etildi hamda 12 ta ixtisoslik boʼyicha malakaviy imtihon qabul qiluvchi komissiyalar tashkil etildi.

2017 yildan buyon Universitetda 3 ta fan tarmogʼidan jami 11 ta ixtisoslik boʼyicha 37 ta dissertatsiya himoyalari oʼtkazildi (31 nafari harbiy xizmatchilar, 6 nafari xizmatchilar).

Shu bilan birga oliy taʼlimdan keyingi taʼlim fakulьtetining doktorant va mustaqil izlanuvchilari tomonidan  50 dan ortiq monografiya, 70 dan ortiq risola, 1000 dan ortiq ilmiy maqola, shulardan yuzdan ortigʼi nufuzli xorijiy ilmiy nashrlarda chop etilganini taʼkidlash lozim.

Shuningdek, har yili huquqiy, harbiy-texnik, ijtimoiy-gumanitar fanlarning rivojlanishini dolzarb muammolariga bagʼishlangan ilmiy maqolalar toʼplami nashr etilishi yoʼlga qoʼyilgan.

Tegishli ixtisosliklar, ilmiy-tadqiqot oʼtkazish metodikasi va xorijiy (ingliz va nemis) tili boʼyicha oʼquv mashgʼulotlari olib boriladi. Fakulьtet Oʼzbekiston Respublikasi Prezidenti huzuridagi Davlat boshqaruv akademiyasi, Oʼzbekiston Respublikasi Qurolli Kuchlari Аkademiyasi,  Oʼzbekiston Respublikasi IIV Аkademiyasi,  Oʼzbekiston Respublikasi Davlat xavfsizlik xizmati akademiyasi,  Oʼzbekiston Respublikasi FVV akademiyasi, Toshkent davlat yuridik universiteti, Mirzo Ulugʼbek nomidagi Oʼzbekiston Milliy universiteti, Chirchiq oliy tank qoʼmondonlik-muhandislik bilim yurti va boshqa oliy taʼlim muassasalalari bilan hamkorlikning samarali yoʼlga qoʼyilgani ilmiy-tadqiqot ishlarini samarali rivojlanishiga xizmat qilmoqda.
21.01.04 – Umumiy taktika, Qurolli Kuchlar koʼrinishlari, qoʼshin turlari va maxsus qismlar boʼyicha (jumladan boshqaruv va jangning barcha koʼrinishdagi taʼminoti);
21.01.05 – Qurolli Kuchlar qurilishi (jumladan Qurolli Kuchlar turlari, Qurolli Kuchlar front orti, qoʼshin turlari va maxsus qismlar boʼyicha);
21.01.06 – Harbiy taʼlim va tarbiya, jangovar tayyorgarlik, kadrlarni tanlash va joylashtirish, qoʼshinlarning kundalik faoliyatini boshqarish (jumladan Qurolli Kuchlar turlari, Qurolli Kuchlar front orti, qoʼshin turlari va maxsus qismlar boʼyicha);
21.02.03 – Harbiy huquq, xalqaro huquqning harbiy muammolari;
21.02.24 – Fuqarolar himoyasi. Favqulodda holatlarning oldini olish hamda ularni bartaraf etish vositalari va usullari;
21.02.25 – Harbiy elektronika, harbiy majmualar apparatlari.

Нажмите на кнопку ниже, чтобы прослушать текст Powered by GSpeech