Kafedra tarixi:

“Iqtisodiy fanlar” kafedrasi O‘zbekiston Respublikasi Prezidentining 2021-yil yil 15-apreldagi “Jamoat xavfsizligini ta’minlash sohasida  professional kadrlarni tayyorlash tizimini yanada  takomillashtirish chora-tadbirlari to‘g‘risida”gi  PQ-5077-sonli Qarori asosida Milliy gvardiya Harbiy-texnik instituti “Ishlab chiqarishni tashkil etish va texnik nazorat ”  kafedrasi  negizida  tashkil  etilgan.

Kafedra maqsadi:

Oʻzbekiston Respublikasi Milliy gvardiyasi hamda huquqni muhofaza qiluvchi organlar tarkibiga kiruvchi barcha vazirlik va idoralar hamda tegishli davlat va xoʻjalik boshqaruvi organlari uchun moliya-iqtisod sohasi boʻyicha professional kadrlarni tayyorlash, qayta tayyorlash va malakasini oshirishdan iborat.

• O'quv-uslubiy ishlar sohasida – oʻqitishning innovatsion metodlaridan foydalanib “iqtisodiyot” va “iqtisodiy xavfsizlik” ta’lim yoʻnalishlari va mutaxassisliklari boʻyicha yuqori malakali mutaxassislarni shakllantirishga qaratilgan oʻquv ishlarini tashkil etish;
• Ilmiy-metodik ishlar sohasida – oʻquv jarayonining ilmiy-metodik asoslarini ishlab chiqish, oʻquv-uslubiy materiallar bilan ta’minlash, ushbu sohadagi xorijiy tajribani oʻrgangan holda professor-oʻqituvchilarning mehnat unumdorligi va ta’lim sifati hamda samaradorligini oshirishga xizmat qiladigan zamonaviy ta’lim texnologiyalarini joriy qilish;
• Ilmiy-tadqiqot ishlari sohasida – mamlakatda amalga oshirilayotgan iqtisodiy, bank-moliya, investitsiya, soliq-budjet, iqtisodiy xavfsizlik islohotlarining ustuvor vazifalari, ilgʻor jahon tajribasi va xalqaro standartlarni hisobga olgan holda, jamoat xavfsizligini ta’minlash boʻyicha ustuvor yoʻnalishlarni, ilmiy-tadqiqot ishlarini bajarish va ularning natijalarini amaliyotga tadbiq etilishini ta’minlash;
• Tashkiliy-metodik ishlar sohasida – ta’lim sifatini baholash, uning tahlilini olib borish, shuningdek boshqa tashkiliy-metodik tadbirlarni samarali tashkil etish;
• Ma'naviy-axloqiy va tarbiyaviy ishlar sohasida – kursantlar, talabalar va tinglovchilarni ma’naviy, intellektual, jismoniy va axloqiy jihatdan kamol topishiga koʻmaklashish va milliy qadriyatlarni hurmat qilish, vatanparvarlik, fuqarolik tuygʻusi, bagʻrikenglik, qonunlarga, milliy va umuminsoniy qadriyatlarga hurmat ruhida, zararli ta’sirlar va oqimlarga qarshi tura oladigan, hayotga boʻlgan qat’iy ishonch va qarashlarga ega qilib tarbiyalash, davlat va jamiyat oldida oʻz mas’uliyatini his etish, insonparvarlik, millatlararo totuvlik, adolat va qonun ustuvorligi mezonlarini anglab etish va unga rioya etish ruhida tarbiyalash;
• Ilmiy - pedagog kadrlarni tayyorlash, pedagog kadrlar malakasini oshirish va qayta tayyorlash, ularning stajirovkasi bilan bogʻliq ishlar sohasida – zamonaviy xalqaro standartlarga javob beradigan kafedraning boy intellektual va ilmiy-pedagogik mahoratga ega ilmiy-pedagog kadrlar tayyorlash tizimini shakllantirish boʻyicha aniq maqsadli ishlarni amalga oshirish.

• Kafedra boshlig‘i oʻrinbosari A.D.Anarkulov Mudofaa vazirining 2008 yil 8-avgust dagi 0438-sonli buyrugʻi bilan “Qahramonlik Jasorat Shon-Sharaf” koʻkrak nishoni bilan taqdirlangan.
• Kafedra boshligʻi oʻrinbosari A.D.Anarkulov 2017 yilda Oʻzbekiston Respublikasi Qurolli Kuchlarining 25-yilligi koʻkrak nishoni bilan taqdirlangan.
• Kafedra oʻqituvchisi G.A.Alimova 2019 yil iyun oyida iqtisodiyot fanlari boʻyicha falsafa doktori (PhD) ilmiy darajasiga ega boʻlgan.
• Kafedra dotsenti, A.A.Bozorov 2019 yil iyul oyida iqtisodiyot fanlari boʻyicha falsafa doktori (PhD) ilmiy darajasiga ega boʻlgan.
• Oʻzbekiston Respublikasi OAKning 2017 yil 29 noyabr qaroriga koʻra A.A.Mamatov professor  unvoniga sazavor boʻlgan.
• Oʻzbekiston Respublikasi OAKning 2019 yil 30 sentyabr qaroriga koʻra E.Sh.Shadmanov professor unvoniga sazavor boʻlgan.
• Oʻzbekiston Respublikasi OAKning 2020 yil 27 fevraldagi qaroriga koʻra A.A.Abdurasulov dotsent unvoniga sazavor boʻlgan.
• Oʻzbekiston Respublikasi OAKning 2021 yil 4 iyun qaroriga koʻra A.D.Anarqulov dotsent unvoniga sazavor boʻlgan.
• Oʻzbekiston Respublikasi OAKning 2021 yil 31 iyul qaroriga koʻra D.I.Irgashev dotsent unvoniga sazavor boʻlgan.
• Oʻzbekiston Respublikasi OAKning 2021 yil 4 iyun qaroriga koʻra A.A.Bozorov dotsent unvoniga sazavor boʻlgan.
• Oʻzbekiston Respublikasi OAKning 2021 yil 4 iyun qaroriga koʻra J.J.Urmonov professor unvoniga sazavor boʻlgan.
• Oʻzbekiston Respublikasi OAKning 2021 yil 30 noyabr qaroriga koʻra M.S.Abdullayeva professor unvoniga sazavor boʻlgan.
• Kafedra boshligʻi oʻrinbosari A.D.Anarkulov Oʻzbekiston Respublikasi Milliy gvardiyasi qoʻmondonining 2021 yil 19-avgust dagi 205-sonli buyrugʻiga asosan “Ma’naviyat a’lochisi” koʻkrak nishoni bilan taqdirlangan.
• Kafedra professori Abdullayeva Mavlyuda Sadikovna 2021 yil 1-oktyabr “Oʻqituvchilar va murabbiylar kuni” munosabati bilan “Ma’naviyat a’lochisi” koʻkrak nishoni bilan taqdirlangan.
• Kafedra katta oʻqituvchisi Muxamedov Muxamadali Mustafoyevich mustaqillik bayrami munosabati bilan “Oʻzbekiston Respublikasi mustaqilligini 30 yilligi” esdalik koʻkrak nishoni bilan taqdirlangan.
• Kafedra dotsenti A.A.Abdurasulovich 2021 yil 14-yanvar Vatan himoyachilar kuni munosabati bilan “Oʻzbekiston Respublikasi Qurolli Kuchlarining 30 yil” esdalik koʻkrak nishoni bilan taqdirlangan.
• Kafedra dotsenti A.G.Alisherovna 2021 yil 14-yanvar Vatan himoyachilar kuni munosabati bilan “Oʻzbekiston Respublikasi Qurolli Kuchlarining 30 yil” esdalik koʻkrak nishoni bilan taqdirlangan.
• Professor  M.S.Abdullayeva rahbarligida respublika fan olimpiadasida 3 nafar kursant nufuzli oʻrinlarni qoʻlga kiritdi: 2020 yilda “Iqtisodiyot nazariyasi” fanidan 1-o‘rin  Azamjonov U.U. 131 gurux, 3-o‘rin Temurbekov A.E. 131 gurux, 2021 yilda “Mikro-makroiqtisodiyot” fanidan 1-o‘rin-Niyazimbetov I.  422 gurux, 2-o‘rin-Azamjonov U.U. 131 gurux 
• Professor  A.M.Mamatov rahbarligida respublika fan olimpiadasida 1 nafar kursant nufuzli oʻrinlarni qoʻlga kiritdi: 1-o‘rin-Turdimuritov E. – 422 gurux, 50 ta OTM lar ishtirokida 2021 yilda “Iqtisodiyot nazariyasi” fanidan.
• Oʻzbekiston Respublikasi Innovatsion rivojlantirish vazirligi tomonidan Ilmiy faoliyatga oid davlat dasturlari doirasidagi 2023-2024 yillarda bajarilishi moʻljallangan innovatsion loyihalar tanlovida ishtirok etish uchun “Raqamli transformatsiya asosida harbiy va harbiylashtirilgan ta’lim muassasalarini oziq-ovqat bilan ta’minlash elektron platformasini yaratish”  mavzusida amaliy loyihani tayyorlab Oʻzbekiston Respublikasi Innovatsion rivojlanish vazirligiga taqdim etildi.
• S.Abdullayeva 2022 yil 16 dekabr kuni o‘tkazilgan “Профессиональное становление личности ХХI века в системе непрерывного образования: теория, практика и перспективы” nomli 3-xalqaro ilmiy-amaliy anjumanda eng yaxshi ma’ruzachi sifatida 1-darajali diplom bilan taqdirlandi.

•  M.S.Abdullayeva 2022 yil 7 mart kuni Universitet boshlig‘ining esdalik qo‘l soati bilan taqdirlandi.

•  Kafedra boshlig‘i o‘ribosari Anarkulov A.D.  2023 yil 14 yanvar kuni O‘zbekiston Respublikasi Qurolli Kuchlarining tashkil topganligining 31 yilligi munosabati bilan “Ma’naviyat a’lochisi” koʻkrak nishoni bilan taqdirlangan.

• Kafedra katta o‘qituvchisi Zurapov A.U. O‘zbekiston Respublikasi Mustaqilligining 32 yilligi munosabati bilan “O‘zbekiston Respublikasi Milliy gvardiyasining fidoyi xodimi” koʻkrak nishoni bilan taqdirlangan.
• Kafedra professori professor Shadmanov E.Sh. O‘zbekiston Respublikasi Mustaqilligining 32 yilligi munosabati bilan “Faxriy yorliq” bilan taqdirlangan.
• Kafedra dotsenti Irgashev D.I. 2022 yilning 7 noyabr kuni Toshkent davlat iqtisodiyot universitetida 08.00.07- Moliya, pul muomalasi va kredit ixtisosligi bo‘yicha iqtisodiyot fanlari bo‘yicha falsafa doktori (PhD) ilmiy darajasini olish uchun falsafa doktorlik dissertatsiyasini muvaffaqiyatli himoya qildi. 

• Kafedra katta o‘qituvchisi Zurapov A.U. 2023 yilning 27 may kuni Toshkent davlat iqtisodiyot universitetida 08.00.07- Moliya, pul muomalasi va kredit ixtisosligi bo‘yicha iqtisodiyot fanlari bo‘yicha falsafa doktori (PhD) ilmiy darajasini olish uchun falsafa doktorlik dissertatsiyasini muvaffaqiyatli himoya qildi. 

• Kafedra professori Bozorov A.A. 2023 yilning 13 sentyabr kuni Toshkent davlat iqtisodiyot universitetida 08.00.07- Moliya, pul muomalasi va kredit ixtisosligi bo‘yicha iqtisodiyot fanlari doktori (DSc) ilmiy darajasini olish uchun “O‘zbekistonda jismoniy shaxslarni soliqqa tortish metodologiyasini takomillashtirish” mavzusida doktorlik dissertatsiyasini muvaffaqiyatli himoya qildi.

• Kafedra boshlig'i Iqtisodiyot fanlari doktori (DSc), professor Urmonov Jahongir Jaloldinovich “1-oktabr o’qituvchi va murabbiylar kuni bayrami” munosabati bilan “O‘zbekiston Respublikasi Milliy gvardiyasining fidoyi xodimi” koʻkrak nishoni bilan taqdirlangan.

• Kafedra professori Valiyev Bobur Batirovich Access to Islamic finance and Haj fund management & Haj operations post pandemic 2022 mavzusida malaka oshirish kursini tamomlab Malayziya texnik hamkorlik dasturi (MTCP) sertifikatini oldi.

• Kafedra professori, i.f.d. Valiyev Bobur Batirovich ingliz tili darajasini aniqlash bo‘yicha imtihon topshirib til sertifikati(B2 (Upper intermediate) darajasi)ni qo‘lga kiritdi.

2021 yil 22-dekabrda Mirzo Ulugʻbek nomidagi Oʻzbekiston Milliy universiteti “Iqtisodiyot nazariyasi” kafedrasi va va Oʻzbekiston Respublikasi Jamoat xavfsizligi universiteti “Iqtisodiy fanlar” kafedrasi oʻrtasida hamkorlik shartnomasi tuzildi

2021 yil 22-dekabrda Toshkent davlat iqtisodiyot universiteti “Iqtisodiy xavfsizlik”, “Fundamental iqtisodiyot”, “Soliqlar va sugʻurta ishi”, “Moliya” kafedralari va Oʻzbekiston Respublikasi Jamoat xavfsizligi universiteti “Iqtisodiy fanlar” kafedrasi oʻrtasida hamkorlik shartnomasi tuzildi.

2021 yil 23-dekabrda Oʻzbekiston Respublikasi Davlat bojxonasi qoʻmitasi Bojxona institute “Iqtisodiy va ijtimoiy fanlar” kafedrasi va Oʻzbekiston Respublikasi Jamoat xavfsizligi universiteti “Iqtisodiy fanlar” kafedrasi oʻrtasida hamkorlik shartnomasi tuzildi.

2021 yil 24-dekabrda Toshkent Moliya institute “Moliya” kafedrasi va Oʻzbekiston Respublikasi Jamoat xavfsizligi universiteti “Iqtisodiy fanlar” kafedrasi oʻrtasida hamkorlik shartnomasi tuzildi.

2021 yil 25-dekabrda Oʻzbekiston Respublikasi Davlat soliq qoʻmitasi huzuridagi Fiskal institut “Soliqlar va soliqqa tortish” “Buxgalteriya hisobi va audit” kafedralari va Oʻzbekiston Respublikasi Jamoat xavfsizligi universiteti “Iqtisodiy fanlar” kafedrasi oʻrtasida hamkorlik shartnomasi tuzildi.