Kafedra maqsadi: 

Kafedrada, shaxsiy tarkibga zamonaviy o‘q-otar qurollari xujum va mudofaada qo‘llaniladigan granatalari, moddiy qismlari, o‘q-otar qurollardan hamda jangovar mashinalarning qurol-aslahalaridan  o‘q uzish nazariyasi, otish asoslari va ballistikadagi asosiy ma’lumotlarni, qurol-aslahalarning tuzilishi va ularni avaylab asrash masalalari, qurollardan o‘q uzish usullari va qoidalari o‘rgatiladi.

O‘quv mashg‘ulotlari kafedraning malakali o‘qituvchilari bilan birga, amaliyotda katta tajribaga ega mutaxassislar tomonidan olib boriladi. Buning uchun kafedra zarur o‘quv-metodik baza va adabiyotlar bilan ta’minlangan. Ayniqsa mashg‘ulotlarning ilg‘or interfaol usullar yordamida tashkil etilayotgani kursantlarning nazariy bilim va ko‘nikmalarini mustahkamlashga xizmat qilmoqda. Jamoa a’zolari dolzarb mavzularda ilmiy izlanishlar olib borishmoqda.

Milliy Gvardiya bo‘linmalarida mavjud, shuningdek, dunyo hamjamiyatida samarali foydalanilayotgan zamonaviy qurol-aslahalardan foydalanishga, jangning har qanday sharoitida o‘ziga biriktirilgan qurol-aslahalari bilan jangovar topshiriqlarni bajarishga qodir, vaziyatning turli sharoitlarida o‘qotar qurollarga texnik xizmat ko‘rsata oladigan, ularning jangovar imkoniyatlarini mukammal biladigan va amaliyotda bevosita qo‘llay oladigan, ekstremal va favqulodda vaziyatlarda o‘z bo‘linmasini mahorat bilan boshqara olish qobiliyatiga ega bo‘lgan professional kadrlarni tayyorlashdan iborat.

“O‘q otish tayyorgarligi” fanini o‘rganishdan maqsad, turli kalibrdagi o‘qotar qurollar, pulemyotlar va granatomyotlarning taktik-texnik xususiyatlarini hamda qurolning nishonni urishini tekshirish va normal jangovar holatga keltirish, ularni asrab-avaylash, o‘quv mashg‘ulotlar va jangovar vaziyatlarda dushmanni kam o‘q-dorilar sarflagan holda yakson qilish,  o‘q otish qoidalari va usullarini, nazariy va amaliy mashg‘ulotlarni tashkillashtirish hamda o‘tkazish tartibi bo‘yicha bilim, ko‘nikma va malakalarni egallashga qaratilgan.

- Kafedra boshlig‘i F.E.Raxmanov 2024-yil “14-yanvar Vatan himoyachilari kuni” bayrami munosabati bilan “Ma’naviyat-ma’rifat a’lochisi” ko‘krak nishoni bilan taqdirlangan.

- Kafedra boshlig‘i o‘rinbosari S.X.Isakov 2024-yil “14-yanvar Vatan himoyachilari kuni” bayrami munosabati bilan Milliy gvardiya qo‘mondonining faxriy yorlig‘i bilan taqdirlangan.

- Kafedra boshlig‘i F.E.Raxmanov tomonidan bajarilgan tadqiqot ishi 2024-yilning yanvar oyida Oliy attestatsiya komissiyasi tomonidan ma’qullandi va pedagogika fanlari bo‘yicha falsafa doktori ilmiy darajasi berildi.

- Kafedra boshlig‘ining o‘rinbosari S.X.Isakov tomonidan bajarilgan tadqiqot ishi 2024-yilning yanvar oyida Oliy attestatsiya komissiyasi tomonidan ma’qullandi va pedagogika fanlari bo‘yicha falsafa doktori ilmiy darajasi berildi.

- Kafedra dotsenti R.A.Gaipov tomonidan bajarilgan tadqiqot ishi 2024-yilning fevral oyida Oliy attestatsiya komissiyasi tomonidan ma’qullandi va harbiy fanlar bo‘yicha falsafa doktori ilmiy darajasi berildi.

Oʼzbekiston Respublikasi Qurolli Kuchlar Аkademiyasi

Oʼzbekiston Respublikasi Ichki ishlar Vazirligi Аkademiyasi