O‘zbekiston Respublikasi Prezidentining 2021 yilning 9 avgustdagi PQ-5215-sonli “Etim bolalar va ota-ona qaramog‘idan mahrum bo‘lgan bolalarni tarbiyalashning tubdan yangilangan tizimini joriy etish chora-tadbirlari to‘g‘risida”gi Qaroriga muvofiq “etim bolalar va ota-ona qaramog‘idan mahrum bo‘lgan bolalarni tarbiyalashning tubdan yangilangan tizimini joriy etish, ularning barkamol avlod sifatida shakllanishi hamda ijtimoiy moslashuvini ta’minlash uchun zarur shart-sharoitlar yaratish” maqsadida Jamoat xavfsizligi universitetida “Harbiy vatanparvarlik, ma’naviy-ma’rifiy tarbiya va yoshlar bilan ijtimoiy ishlash” kafedrasi tashkil etildi.

Kafedra maqsadi:

Kafedra quv-uslubiy, ilmiy, ma’naviy-ma’rifiy faoliyat bilan shug‘ullanadi, shuningdek, ota-ona qaramog‘idan mahrum bo‘lgan bolalarni o‘z tarbiyasiga olgan yoki olishni maqsad qilgan ota-onalar, oilaviy bolalar uylarining a’zolarini har tomonlama qo‘llab-quvvatlash; oilalarda ma’naviy-axloqiy muhitni mustahkamlash va sog‘lomlashtirish bo‘yicha tutingan ota-onalarning kasbiy bilimlari, qobiliyat va ko‘nikmalarini oshirish; bolani oilada ulg‘ayishining huquqiy, psixologik, pedagogik va ma’naviy jihatlarini mustahkamlash hamdak ijtimoiy yetimlikning oldini olish tizimini takomillashtirish.

• Tutingan ota-onalarni bolalarning huquqlari va qonuniy manfaatlarini himoya qilish sohasidagi davlat siyosati va qonunchilik asoslari bilan tanishtirish;

• Tutingan ota-onalarning bolalar psixologiyasi va pedagogikasi sohasidagi bilim va amaliy ko‘nikmalarini rivojlantirish;

• Tutingan ota-onalarning huquq va majburiyatlari bilan tanishtirish;

• Tutingan ota-onalarni bolalarni tarbiyalash, parvarish qilish, sog‘ligini muhofaza qilish, uning ijtimoiy moslashuvi, ta’limi va har tomonlama rivojlanishi uchun qulay sharoitlarni yaratish bilan bog‘liq ota-onalik salohiyatlarini shakllantirish;

• Tutingan ota-onalarning bolani oilaga qabul qilishga tayyorlik darajasini aniqlash, bolani oilaga qabul qilish shaklini tanlashga yordam berish, shuningdek, bolani tarbiyalash va rivojlanishi bilan shug‘ullanish jarayonida duch kelishi mumkin bo‘lgan muammo va qiyinchiliklarni anglashga ko‘maklashish;

• Tayyorlov kurslari uchun o‘quv reja va dasturlarni ishlab chiqish va O‘zbekiston Respublikasi Milliy gvardiyasi va Xalq ta’lim vazirligiga tegishli tarbibda tasdiqlatish;

• O‘quv reja va dasturlarni muntazam yangilab borish;

• Darslarni o‘qitishning zamonaviy shakl va usullaridan, ilg‘or pedagogik va axborot texnologiyalaridan foydalangan holda tashkil  qilish.

Kafedra dotsenti, pedagogika fanlari nomzodi, dotsent Rejametova Irada Ikramshikovna Oʻzbekiston Respublikasi Milliy gvardiyasi qoʻmondonining 2022 yil 21-sentyabrdagi 205-sonli buyrugʻiga asosan 1-oktyabr “Oʻqituvchilar va murabbiylar kuni” munosabati bilan “Ma’naviyat a’lochisi” koʻkrak nishoni bilan taqdirlangan.

Kafedra dotsenti, pedagogika fanlari nomzodi, dotsent Rejametova Irada Ikramshikovna 2022 yil 30-sentyabrdagi qarorning asosan 1-oktyabr “Oʻqituvchilar va murabbiylar kuni” munosabati bilan “Yosh avlodni vatanparvarlik ruhida tarbiyalashdagi xizmatlari uchun” koʻkrak nishoni bilan taqdirlangan.

Kafedra boshlig'i o'rinbosari Orinov Davron Xayitbayevich O'zbekiston Respublikasi Prezidentining 2021-yil 1-dekabr kunidagi Farmoniga binoan ta'sis etilgan "O'zbekiston Respublikasi Qurolli Kuchlariga 30 yil" esdalik nishoni bilan taqdirlandi.

2020 yil kafedra hamda O‘zbekiston Respublikasidagi Toshkent Pediatriya tibbiyot instituti Ijtimoiy fanlar, pedagogika va psixologiya kafedralari o‘rtasida o‘quv, uslubiy va ilmiy faoliyatni rivojlantirish sohasi bo‘yicha hamkorlik shartnomasi qilingan.

2020 yil kafedra hamda Mirzo Ulug‘bek nomidagi O‘zbekiston Milliy universiteti Pedagogika va umumiy psixologiya kafedralari o‘rtasida o‘quv, uslubiy va ilmiy faoliyatni rivojlantirish sohasi bo‘yicha hamkorlik shartnomasi qilingan.