Жорий  йилнинг 27 апрель куни Ўзбекистон Республикаси Жамоат хавфсизлиги университетида “Иқтисодий фанлар” кафедраси томонидан “Ўзбекистон Республикаси банк тизимида амалга оширилаётган ислоҳотлар ва пул-кредит сиёсатининг асосий йўналишлари” мавзусида давра сухбати ўтказилди. Давра сухбатини Ўзбекистон Республикаси “Ўзбекистон саноат-қурилиш” банкининг бош мутахассиси Сагдуллаев Бахтиёр Сайдуллаевич олиб борди. Мазкур давра суҳбатида Университет профессор-ўқитувчилари ҳамда Бакалавриат факультети курсантлари иштирок этди. Бахтиёр Сагдуллаев ўз маърузасида курсантларга банк тизимидаги молиявий-иқтисодий хавфсизликни таъминлаш бўйича амалга оширилаётган чора-тадбирлар, пул-кредит сиёсатининг асосий йўналишлари, инфляцияни таргетлаш тизими, кредитлаш масалалари ҳамда истиқболда амалга оширилиши назарда тутилган ислоҳотлар, шунингдек бу борада Ўзбекистон Республикасининг 2022-2026 йилларга мўлжалланган тараққиёт стратегиясида белгиланган вазифалардан келиб чиқиб маълумотлар берилди.  Давра сухбати тақдимот асосида ўтказилиб, курсантлар ўзлари учун қизиқарли бўлган саволларга тегишли жавоблар олишди.