Mamlakatimizda amalga oshirilayotgan yoshlarga oid davlat siyosati negizida ham jismoniy, ham maʼnaviy jihatdan sogʼlom, hech kimdan kam boʼlmasdan, boshini baland koʼtarib yashaydigan, Vatanimizning taqdiri va istiqboli uchun masʼuliyatni oʼz zimmasiga olishga qodir boʼlgan barkamol avlodni tarbiyalashdek ustuvor maqsad mujassam. Xususan, joriy yilning 25-sentyabr kuni Oʼzbekiston Respublikasi Jamoat xavfsizligi universitetida Oʼzbekiston Respublikasi davlat mustaqilligining 32 yilligi munosabati bilan “Yangi hayot uchun, Yangi Oʼzbekiston uchun” degan bosh gʼoya ostida boʼlinmalar oʼrtasida tashkil etilgan “Eng yaxshi saf qoʼshigʼi” koʼrik-tanlovi ham amalga oshirilayotgan ezgu ishlarning yana bir yorqin isbotidir. Qizgʼin oʼtgan koʼrik-tanlovda ijro etilgan saf qoʼshiqlari jarangdor kuylanishi, ifodali aytilishi, sinxronliligi va Saf nizomi talablariga rioya etilishi boʼyicha hakamlar hayʼati tomonidan 10 ballik tizimda baholandi.

 Koʼrik-tanlov yakuniga koʼra:

3-oʼrinlarni Bakalavriat fakulteti 4-kursantlar bataloni hamda Qoʼriqlash va oʼquv jarayonini taʼminlash bataloni shaxsiy tarkibi qoʼlga kiritib, 3-darajali diplom va esdalik sovgʼalar bilan taqdirlandi;

2-oʼrinni Bakalavriat fakulteti 1-kursantlar bataloni shaxsiy tarkibi qoʼlga kiritib, 2-darajali diplom va esdalik sovgʼalar bilan taqdirlandi;

1-oʼrinni Bakalavriat fakulteti 2-kursantlar bataloni shaxsiy tarkibi qoʼlga kiritib, 1-darajali diplom va esdalik sovgʼalar bilan taqdirlandi.