Joriy yilning 21 dekabr kuni Universitetning Ijtimoiy-gumanitar fanlar, Jismoniy tarbiya va sport hamda Tabiiy fanlar kafedralari professor-oʼqituvchilari bolajonlarni kirib kelayotgan Yangi yil bilan qutlash maqsadida ushbu kafedralarga biriktirilgan Olmazor tumanidagi 102-sonli zaif eshituvchi bolalar uchun ixtisoslashtirilgan maktab-internatga tashrif buyurdilar. Bayram tadbirida bolajonlar sheʼrlar, kuy-qoʼshiqlar ijro etdilar.
Bolalar uchun begʼubor orzu-umidlar bayramiga aylangan Yangi yil arafasida maktab-internat oʼquvchilari uchun taqdim etilgan turli shirinliklardan iborat Yangi yil sovgʼalari bolajonlarga oʼzgacha zavq va quvonch baxsh etdi.
