Bugungi kunda Oʼzbekiston Respublikasi Qurolli Kuchlarining qoʼmondonlik boʼgʼiniga mansub boʼlgan boʼlajak professional ofitser kadrlarni tayyorlash, ularda Vatanga muhabbat, oʼz kasbiga boʼlgan sadoqat hislarini kuchaytirish, harbiy bilimlarni oshirishga boʼlgan qiziqishlarini qoʼllab-quvvatlash, turli xil vaziyatlarda tezkorlik bilan nostandart qarorlar qabul qilish, hamkorlik va boshqaruvni tashkillashtirish tartibi, shuningdek, ofitserlar uchun zarur boʼlgan yuqori intellektual salohiyat va yetakchilik fazilatlarini rivojlantirish boʼyicha tizimli ishlar olib borilmoqda. Ushbu yoʼnalishda belgilangan vazifalar doirasida joriy yilning boshida Oʼzbekiston Respublikasi Jamoat xavfsizligi universiteti tashabbusi bilan Oʼzbekiston Respublikasi Qurolli Kuchlari Modellashtirish va simulyatsiya markazi va Oʼzbekiston Respublikasi Qurolli Kuchlari Аkademiyasining dala oʼquv maydonida Jamoat xavfsizligi universiteti, Qurolli Kuchlar Аkademiyasi va Chirchiq oliy tank qoʼmondonlik muhandislik bilim yurtining tinlovchi va kursantlari bilan hamkorlikdagi amaliy mashgʼulotlar oʼtkazildi. Ushbu hamkorlikdagi amaliy mashgʼulotlarda nazarda tutilgan barcha oʼquv savollari boy tajribaga ega boʼlgan professor-oʼqituvchilar tomonidan toʼlaqonli yoritilib, mashgʼulotlar real jangovar holatlarga maksimal darajada yaqinlashtirilgan holatda oʼtkazilib, uning natijasida tinglovchi va kursantlarning bilim va koʼnikmalarini yanada oshirilishga hamda tajriba almashishga erishildi. Kelgusida bu kabi tadbirlarni Oliy harbiy taʼlim muassasalari oʼrtasida yanada jadallashtirish boʼyicha kelishib olindi.