Joriy yilning 17 dekabr kuni Universitetning Tillarni oʼrganish kafedrasi dotsentlari F.Umarova va S.Muxammadaminovlar tomonidan 4-batalon “Maxsus vazifalarni bajarish qoʼshinlarining qoʼmondonlik-taktik faoliyati” yoʼnalishida tahsil olayotgan 402-guruh kursantlari bilan hamkorlikda “Maqsad qoʼyish mezonlari va unga erishishda tillarning ahamiyati” mavzusida davra suhbati oʼtkazildi. Tadbirda Qoʼriqlash bosh boshqarmasi Davlat obyektlarini qoʼriqlash boshqarmasi 3-bataloni komandirining xizmat boʼyicha birinchi oʼrinbosari kapitan А.Аbdurashidov hamda Milliy gvardiya harbiy qismining seksiya komandiri serjant K.Kemalov ishtirok etdilar. Ofitserlar oʼz ish faoliyatlari davomida ona tili va xorijiy tillarni bilishning muhimligini aniq misollar orqali soʼzlab berdilar.
Davra suhbati davomida kursantlar inson hayotida maqsadlarning oʼrni haqida fikr yuritdilar, maqsad belgilash yuzasidan amaliy mashq bajardilar, maqsad qoʼyish mezonlari (SMART mezonlari) bilan tanishdilar.
Tadbir yakunida yoshlar oʼz oldilariga maqsad qoʼyishlari lozimligi, maqsadga erishish uchun astoydil harakat qilish kerakligi haqida xulosa chiqardilar.