Joriy yilning 30 maydan - 3 iyun kuniga qadar "Oliy harbiy taʼlim muassasalari kursantlari oʼrtasida 2021-2022 oʼquv yili davomida sport turlari boʼyicha musobaqalarni oʼtkazish tartibini belgilash toʼgʼrisida" qoʼshma qarorga asosan voleybol musobaqasi oʼtkazildi. Musobaqada Oʼzbekiston Respublikasi Jamoat xavfsizligi universiteti, Davlat xavfsizlik xizmati, Favqulodda vaziyatlar, Ichki ishlar akademiyalari, Bojxona instituti va Chirchiq oliy tank qoʼmondonlik-muhandislik bilim yurti kursantlari bellashdilar. Musobaqa yakuniga koʼra, Ichki ishlar akademiyasi jamoasi faxrli uchinchi oʼrin, Chirchiq oliy tank qoʼmondonlik-muhandislik bilim yurti jamoasi ikkinchi oʼrin hamda Jamoat xavfsizligi universiteti terma jamoasi faxrli birinchi oʼrinni egallab, kubok, medal, diplom va qimmatbaho sovgʼalar bilan taqdirlandilar.