Jamoat xavfsizligi universitetining Maxsus taktik tayyorgarlik va jangovar qo‘llash kafedrasi boshlig‘i polkovnik K.Xaydarov  tomonidan Navoiy viloyati Zarafshon shahridagi 12-sonli umumiy o‘rta ta’lim maktabida yuqori sinf o‘quvchilar bilan “O‘zbekiston Respublikasi Jamoat xavfsizligi universitetida tahsil olishni xohlaysizmi?” mavzusida targ‘ibot tadbirlari o‘tkazildi.
Targ‘ibot tadbirlarida o‘quvchilarga O‘zbekiston Respublikasi Jamoat xavfsizligi universitetidagi ixtisoslik yo‘nalishlari, topshiriladigan fanlar majmui hamda o‘qishga kirib ta’lim olishni istovchi o‘quvchilar uchun tanlov va sinovlar tartibi to‘g‘risida to‘laligicha tushintirish berib o‘tildi. Targ‘ibot mavzusi boyicha video rolik qo‘yib ko‘rsatildi va targ‘ibot bukletlari tarqatildi. O‘quvchilar tomonidan berilgan ularni qiziqtirgan savollarga atroflicha javob berildi. O‘quvchilar bilan uchrashuv qiziqarli savol-javoblar bilan mazmunan yanada boyidi. Targ‘ibot tadbirlari to‘g‘risidagi ma’lumotlar Zarafshon shahri saytiga joylashtirildi.
Shuningdek tashrif davomida yuqori sinf o‘quvchilari bilan “Vatanparvarlik oyligi” doirasida vatanparvarlik tarbiyasi, tinchlikni ardoqlash, ezgu maqsadlar yo‘lidagi intilishlar, buyuk ajdodlarimizga munosib vorislar bo‘lib yetishish kabi mavzularda suhbat olib borildi. Ularning kelajakdagi orzu istaklari bilan o‘rtoqlashildi, ularga bajarishi zarur bo‘lgan vazifalari, uchrashi mumkin bo‘lgan to‘siqlar va g‘ovlarni yengib o‘tish bo‘yicha tavsiya va maslahatlar berildi.