Joriy yilning 26-dekabr kuni O‘zbekiston Respublikasi Jamoat xavfsizligi universiteti “Xizmat faoliyatini tarbiyaviy-psixologik ta’minlash” kafedrasi dotsentlari, psixol.f.b.f.d. (PhD), dotsentlar M.L.Saipova, D.Abdullajonova  va ped.f.n., dotsent I.Rejemetovalar hamda “Xizmat faoliyatini tarbiyaviy-psixologik ta’minlash”  yo‘nalishi 2-kurs 411а va 411b guruh kursantlari bilan Toshkent shahridagi 22-sonli Mehribonlik uyida Vatanparvarlik oyligi hamda Yangi yil bayrami munosabati bilan  “Xalq va armiya bir tan-u bir jon” shiori ostida madaniy-ma’rifiy bayram tadbiri tashkillashtirildi. Tadbirda O‘zbekiston Respublikasi Jamoat xavfsizligi universiteti  kursantlari tomonidan badiiy chiqishlar, qiziqarli sahna ko‘rinishlari hamda ko‘rgazmali qo‘l jangi mashqlari namoyish etildi. Tarbiyalanuvchilar uchun kafedra professor-o‘qituvchilari tomonidan kichik guruhlarda o‘zaro hamkorlik va ishonchni shakllantirishga yo‘naltirilgan qiziqarli psixologik treninglar o‘tkazildi. Eng faol ishtirokchilarga sovg‘alar topshirildi. Bayram tadbiri samimiy va ko‘tarinki ruhda o‘tkazildi.