2022-2023 oʼquv yili davomida Oʼzbekiston Respublikasi DXX Аkademiyasi, Oʼzbekiston Respublikasi Qurolli Kuchlari Аkademiyasi, Oʼzbekiston Respublikasi IIV Аkademiyasi, Oʼzbekiston Respublikasi FVV Аkademiyasi, Oʼzbekiston Respublikasi Jamoat xavfsizligi universiteti
va Oʼzbekiston Respublikasi DBQ Bojxona instituti kursantlarini harbiy-vatanparvarlik, maʼnaviy-axloqiy ruhda hamda jismonan sogʼlom etib tarbiyalash boʼyicha hamkorlik rejasi”ning 1.4-bandi ijrosi yuzasidan, joriy yilning 22 dekabr kuni poytaxtimizning “Yoshlar markazi”da “Konstitutsiya bilimdoni” koʼrik-tanlovi oʼtkazildi.
Dastlab, koʼrik-tanlov ishtirokchilari orkestr sadolari ostida kutib olindi. Tanlov tanishtiruv, savol-javob hamda jamoalar oʼzlari tayyorlab kelgan badiiy chiqish shartlari asosida qiziqarli bahs-munozaralarga boy tarzda boʼlib oʼtdi.
Tanlov yakuniga koʼra, Oʼzbekiston Respublikasi IIV Аkademiyasining “Qomusimiz qalqonlari” jamoasi uchunchi oʼrin, Oʼzbekiston Respublikasi DXX Аkademiyasining “Iftixor” jamoasi ikkinchi oʼrin hamda Oʼzbekiston Respublikasi Jamoat xavfsizligi universitetining “Jasorat” jamoasi faxrli birinchi oʼrinni egalladi.
Shuningdek, koʼrik-tanlovda Jamoat xavfsizligi universitetining Аnsambl va xor jamoasi ishtirokidagi musiqiy chiqishlari yigʼilganlarga koʼtarinki kayfiyat bagʼishladi.