Oliy harbiy ta’lim muassasalari kursantlari o‘rtasida “O‘zbekistonning eng yangi tarixi” fanidan Respublika fan olimpiadasi o‘tkazildi.
O‘zbekiston Respublikasi Prezidentining 2024-yil 12-yanvar kunidagi Xavfsizlik Kengashining kengaytirilgan yig‘ilishida qo'yilgan vazifalar va Jamoat xavfsizligi universitetining “Ilmiy tadqiqotlar” rejasida belgilangan vazifalar yuzasidan 2024-yil 23-may kuni universitet “Ijtimoiy-gumanitar fanlar” kafedrasi tomonidan yurtimizning o‘nga yaqin harbiy va harbiylashtirilgan ta’lim muassasalari kursantlari o‘rtasida “O‘zbekistonning eng yangi tarixi” fani bo‘yicha Respublika fan olimpiadasi tashkil etildi.
Ushbu fan olimpiadasi doirasida Mudofaa vazirligi, DXX, O‘zbekiston Bojxona qo‘mitasi, FVV, IIV va Milliy gvardiya tasarrufidagi oliy harbiy ta’lim muassasalari kursantlari “O‘zbekistonning eng yangi tarixi” fani doirasida uch shart asosida bellashdi.
Olimpiada shartlari doirasida dastlabki shartda barcha ishtirokchilar eng yangi tariximiz mavzulariga oid 40 ta test asosida o‘z bilimlarini sinovdan o‘tkazishdi. Bu shart doirasida ishtirokchilar 20 ballik mezonda baholandi.
Olimpiada ikkinchi shartida mustaqillik yillarida bunyod etilgan me’moriy obidalar sharxi bo‘yicha bellashilgan bo‘lsa, uchinchi shartda mustaqillikka erishish yo‘lida va mustaqil taraqqiyot yo‘limizni belgilashda muhim rol o‘ynagan tarixiy shaxslar hayoti va faoliyatini sharxlash orqali baxslashdilar.
Olimpiadaning barcha shartlari bo‘yicha bellashgan ishtirokchilarning yakunda egallagan o‘rinlari quyidagicha baholandi:
- Bojxona instituti kursanti Mavlonderdiyev Asadbek - 3-o‘rin
- IIV akademiyasi kursanti Ismoilov Kamronbek - 2-o‘rin
- Jamoat xavfsizligi universiteti kursanti Davronov Alijon– 1-o‘rin
Olimpiadada ishtirok etgan barcha ishtirokchi va sovrindorlar olimpiada tashkilotchisi Universitet rahbariyati tomonidan turli darajadagi diplom va estalik sovg‘alari bilan taqdirlandilar.
