Oʼzbeksiton Respublikasi Prezidentining 2022 yil 19 yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari toʼgʼrisida”gi PQ-92-son qarori ijrosi hamda Milliy gvardiya qoʼmondoni oʼrinbosarining 2023 yil 21 sentyabrdagi 58-son farmoyishi ijrosi yuzasidan, Universitet Tarbiyaviy va mafkuraviy ishlarni tashkil etish boʼlimi tashabbusi bilan 2023 yilning 4 oktyabr kuni Toshkent shahri hududiy umumtaʼlim maktablari va mahallalari yoshlari va uyushmagan yoshlari uchun “MENING АRMIYAM - MENING FАXRIM” shiori ostida “Ochiq eshiklar kuni” tadbiri oʼtkazildi.Oʼquvchi-yoshlar kursantlar yashash joylari, taʼlim olishlari uchun yaratilgan sharoitlar bilan yaqindan tanishtirildi. Otliq-kavaleriya markaziga tashrif buyurgan oʼquvchi-yoshlar oʼzgacha taasurotlarga ega boʼldi. Orkestr jamoasi, qoʼl jangi va faxriy qorovul guruhlari tomonidan koʼrgazmali chiqishlar namoyish etildi.
Shundan soʼng oʼquvchi-yoshlar eʼtiboriga harbiy libos namunalari, radioaloqa vositalari koʼrgazmasi namoyish etildi.