Joriy yilning 21-sentyabr kuni Mustaqil Davlatlar Hamdo'stligi davlatlar o'rtasida “Itlar Baynalminal ko'rgazmasi” hamda "Toshkent'' xalqaro ko’rgazmasi bo’lib o’tdi. Unda barcha kuch tuzilmalari kinolog markazlari va havaskor kinologlar ishtirok etdi. Milliy gvardiya nomidan Jamoat xavfsizligi universiteti kinologiya markazi harbiy xizmatchilari va xizmat itlari ishtirok etdi. Musobaqada “Myuler” laqabli xizmat iti nemis ovcharkasi zoti bo’yicha 1-o’rinni qo’lga kiritdi. Shuningdek, “Lara” laqabli xizmat iti ovcharkasi zoti bo’yicha yosh itlar o’rtasida faxrli 1-o’rinni, qolaversa, musobaqada ishtirok etayotgan barcha yosh itlar o’rtasida “O'zbekiston” Chempionligiga sazovar bo'ldi.
Musobaqa yakuniga ko'ra, zot toifasidan qat'iy nazar, har xil zotli itlar o'rtasida yosh toifasiga bo'yicha "Best junior" mukofoti "Lara" laqabli xizmat itiga faxrli 1-o'rin va katta yoshdagi xizmat itlari bo'yicha esa "Myuler" laqabli xizmat iti "Best in show" da faxrli 2-o'ringa sazovor bo'ldi.
Ta’kidlash kerakki, bu kabi natijalarga universitet kinologiya markazi bir necha yillardan beri erishib kelmoqda va faxrli o’rinlarni egallamoqda.
Fursatdan foydalanib Universitet rahbariyati va shaxsiy tarkibi universitet kinologlariga keyingi xizmat faoliyatida ulkan zafarlar va omad tilaydi!
