Joriy yilning 8 may kuni Universitet “Harbiy vatanparvarlik, ma’naviy – ma’rifiy tarbiya va yoshlar bilan ijtimoiy ishlash” kafedrasi tashabbusi bilan Jamoat xavfsizligi universitetida Toshkent shahrida joylashgan o'ndan ortiq Oliy ta'lim muassasalari talabalari oʻrtasida  Universitetlararo "Psixologiya fan olimpiadasi” o‘tkazildi. Tadbirni dastlab, Universitet boshlig‘ining ilmiy ishlar va innovatsiya bo‘yicha o‘rinbosari mayor Sh.Zulfiqorov o‘zining kirish so‘zi bilan “Umumiy psixologiya” fanidan fan olimpiadasini ochib berdi. Universitetlararo psixologiya fan olimpiadasida mamlakatimizdagi bir qator Universitetlar ishtirok etdi, jumladan; yurtimizdagi O‘zbekiston Respublikasi Jamoat xavfsizligi universiteti, Mirzo Ulug‘bek nomidagi O‘zbekiston Milliy universiteti, Nizomiy nomidagi Toshkent davlat pedagogika universiteti, Alfraganus universiteti, Aniq va ijtimoiy fanlar universiteti, Toshkent amaliy fanlar universiteti talabalari va ustozlari qatnashdilar. Universitetlararo psixologiya fan olimpiadasi faxirli birinchi o‘rin O‘zbekiston Respublikasi Jamoat xavfsizligi universiteti Mahsus fakultet psixologiya ta’lim yo‘nalishi 3-kurs talabasi Eshqo'ziyeva Obidaga, ikkinchi o‘rinni Mirzo Ulug‘bek nomidagi O‘zbekiston Milliy universiteti psixologiya ta’lim yo‘nalishi talabasi Toshniyozova Fotimaga, uchinchi o‘rinni esa Nizomiy nomidagi Toshkent davlat pedagogika universiteti psixologiya ta’lim yo‘nalishi talabasi Gulnoza Raxmatullayevalarga  nasib etdi. va tashkilotchilar tomonidan diplom va esdalik sovg‘alari bilan taqdirlandilar.