O‘zbekiston Respublikasi Prezidentining 2018-yil 4-avgustdagi “O‘zbekiston Respublikasi Qurolli Kuchlari harbiy xizmatchilarining ma’naviy-ma’rifiy saviyasini oshirish tizimini tubdan takomillashtirish to‘g‘risida”gi 3898-son qaroriga asosan haftaning har juma kuni “Ma’naviy yuksalish va vatanparvarlik kuni” doirasida yoshlar ishtirokida ochiq eshiklar kuni tadbirlarini o‘tkazib kelinmoqda. Ana shunday tadbirlardan biri joriy yilning 24-yanvar kuni Jamoat xavfsizligi universiteti Tarbiyaviy va mafkuraviy ishlarni tashkil etish bo‘limi tashabbusi bilan “Yangi O‘zbekiston armiyasi mamlakat tayanchi, xalqimiz faxri” degan bosh g‘oya asosida Toshkent shahridagi bir qator umumta’lim maktablar o‘quvchi yoshlari hamda Oliy ta’lim muassasalari talabalari uchun “Ochiq eshiklar kuni” tadbiri о‘tkazildi.
O‘quvchi-yoshlar va talabalar Universitet harbiy Orkestr jamoasi sadolari ostida kutib olindi, ularga Universitet “Vatanpartlik markazi” va muzeyi, Universitet tarixi va bugungi faoliyati haqida ma’lumotlar berildi. Shundan so‘ng Orkestr jamoasining musiqiy, kursantlar ishtirokida namoyish etilgan qо‘l jangi guruhlarining chiqishlari o‘quvchi-yoshlarda katta taassurot qoldirdi. Shuningdek, о‘quvchi-yoshlar e’tiboriga harbiy texnikalar, qurol-aslahalar, harbiy liboslar namunalari, radioaloqa vositalari kо‘rgazmasi namoyish etilib, Universitet hududi bо‘ylab sayohat tashkillashtirildi. Shuningdek, Zirhli va avtomobil texnikasi kafedrasi o’qituvchilari tomonidan piyodalar bilan bog’liq yo’l-transport xodisalarning oldini olish bo’yicha ko’rgazmali mashg’ulot tashkillashtirildi. Bunda o’quvchilarga tartibga solingan va tartibga solinmagan chorahalarda piyodalarning harakatlanish qoidalari to’g’risida ma'lumotlar berildi. Faol o’quvchilar sovg’alar bilan taqdirlandi. Tadbir yakunida tashrif buyuruvchilar universitetda yaratib berilgan qulayliklar va yoshlarga e’tiborni ko‘rib, kelgusida, aynan shu ta’lim dargohiga o‘qishga topshirish niyati paydo bo‘lganini yashirmadilar hamda yuqori atmosferada o‘tkazilgan “Ochiq eshiklar kuni” tadbir dasturlari mana shunday ajoyib va esda qolarli lahzalar bilan o‘z yakuniga yetdi.
