2025-yilning 28-mart kuni O‘zbekiston Respublikasi Jamoat xavfsizligi universitetida Maxsus huquqiy fanlar kafedrasi va harbiy diplomatiya kafedrasi tomonidan «Mintaqaviy xavfsizlik va suv resurslarini barqaror boshqarish: muammolar, yechimlar va hamkorlik imkoniyatlari» mavzusida xalqaro ilmiy-amaliy konferensiya o‘tkazildi. Konferensiyada 8 ta xorijiy hamkorlar va 15-dan ziyod mahalliy ishtirokchilar ishtirok etishdi. Konferensiya ishida O‘zbekiston Respublikasi Oliy Majlisi Senati Agrar, suv xo‘jaligi masalalari va ekologiya qo‘mitasi raisi Tuychiyev Anvar Mirzaaxmedovich, O‘zbekiston Respublikasi Oliy Majlisi Qonunchilik palatasi deputati, biologiya fanlari nomzodi Raxmanova Zebiniso Po‘latovna, O‘zbekiston Respublikasi Suv xo‘jaligi vazirligi bosh mutaxassisi Toshev Rashid Xursandovich, Belorus Respublikasi Harbiy akademiyasi Ichki qo‘shinlar fakulteti Yuridik fanlar kafedrasi katta o‘qituvchisi, harbiy fanlar magistri Lemeshevskiy Oleg Olegovich, Qozog‘iston Respublikasi IIV Qarag‘anda Akademiyasi Umumiy yuridik fanlar kafedrasi katta o‘qituvchisi Boltabasova Meyramgul Kazыbekovna va boshqa oliy ta’lim muassasalari yetakchi professor-o‘qituvchilari o‘z ma’ruzalari bilan chiqish qildilar hamda o‘z taklif va tavsiyalarini bildirdilar. Konferensiya ishi gibrid shaklida (offlayn va onlayn) tashkillashtirildi. Konferensiya yakunida  konferensiya ishtirokchilari tomonidan bildirilgan fikr va mulohazar asosida sohaga oid milliy qonunchilikni va suv resurslarini barqaror boshqarishga oid yakuniy taklif va tavsiyalar ishlab chiqildi, shuningdek konferensiya maqolalari to‘plami taqdimoti o‘tkazildi.