Bugun Jamoat xavfizligi universitetida Gumanitar va ijtimoiy fanlar kafedrasi hamda Tarbiyaviy va mafkuraviy ishlarni tashkil etish bo‘limi taklifi va amaliy tashabbusi bilan oliy harbiy (harbiylashtirilgan) ta'lim muassasalari kursantlarini o‘rtasida Ikkinchi jahon urushida o‘zbek xalqining qahramonona jasoratlari sohibi bo‘lgan bobolarimiz hayoti va ularning bosib o‘tgan mashaqqatli kurash yo‘lini o‘rganish, fidoyi va qahramon, ular timsolida bo‘lajak ofitser- xodimlarimizni istiqlol g‘oyalariga sodiqlik, vatanparvarlik, millatparvarlik, insonparvarlik, fidoyilik. daxldorlik ruhida tarbiyalashga qaratilgan “Ajdodlar jasorati mangu barhayot” nomli ko‘rik-tanlov o‘tkazildi. Ko‘rik-tanlovda Qurolli Kuchlar akademiyasi, Bojxona instituti, Favqulotda vaziyatlar vazirligi akademiyasi, Chirchiq oliy tank qo‘mondonlik-muhandislik bilim yurti hamda Jamoat xavfsizligi universiteti kursantlaridan iborat jamoalar o‘zaro g‘oliblik uchun bellashdilar.

Ko'rik-tanlov to'rtta shart 1-shart “Vatan qahramonlari jasorati” savol-javob sharti, 2-shart “Ikkinchi jahon urushi voqealari va qahramonlari haqida test savollari” sharti, 3-shart “Vatan qahramonlari mening tasavvurimda” (sahna ko'rinishi) sharti hamda 4-shart “Ikkinchi jahon urushi va qahramonlariga bir nazar” sharti asosida o‘tkazildi.

Jamoalar Respublika Ma'naviyat va ma'rifat markazi hamda O‘zbekiston Milliy universiteti professor o‘qituvchilaridan iborat hakamlar tomonidan baholanadi.

Ko‘rik tanlov yakunida quyidagi natijalar qayd etildi:

3-o‘rin: Bojxona institutining “Cadets” jamoasi

2-o‘rin: Qurolli Kuchlar akademiyasining “Iftixor” jamoasi

Ko‘rik tanlovda faxli 1-o‘rinni Jamoat xavfsizligi universitetining “Jasorat” jamoasi egalladi.