Milliy gvardiya qo‘mondonligi tashabbusi bilan tashkil etilgan ushbu tadbirda yaqinda Fransiyaning Parij shahrida bo‘lib o‘tgan yozgi olimpiada o‘yinlarida sportning boks turi bo‘yicha ikki karra Olimpiya o‘yinlari g‘olibi, jahon, Osiyo va bir necha bor O‘zbekiston chempioni, Milliy gvardiya harbiy xizmatchilari Bahodir Jalolov hamda Xasanboy Do‘stmatov ishtirok etdi. Tadbirga tashrif buyurgan mehmonlar Orkestr sadolari ostida tantanali kutib olindi. Dastlab chempionlar Universitet sport majmuasiga tashrif buyurib, u yerda kursantlar uchun yaratilgan sharoitlar bilan tanishib, sportchi kursantlarga kо‘rgazmali о‘quv mashg‘uloti о‘tkazib berishdi. Sо‘ngra Universitet Ma’naviyat va ma’rifat markazi tadbirlar zalida sportchilar va kursantlar hamda talabalar ishtirokida davra suhbati o‘tkazildi. Shuningdek, sportchilar Parij yozgi olimpiada o‘yinlari tafsilotlari haqida so‘zlab berdi. Tadbir ochiq muloqot va qiziqarli savol javoblarga boy bo‘ldi. Yoshlar tomonidan berilgan barcha savollarga chempionlar samimiyatlik bilan javob berishdi.