Oʻzbekiston Respublikasi Prezidenti Sh.M.Mirziyoyev tomonidan 2023 yil 22 dekabr kuni Respublika Ma'naviyat va ma'rifat kengashining kengaytirilgan yigʻilishida ilgari surilgan muhim tashabbuslari hamda 2024 yil 12 yanvar kuni Xavfsizlik kengashining kengaytirilgan tarzda oʻtkazilgan yigʻilishida qoʻyilgan topshiriqlari ijrosi yuzasidan, joriy yilning 31 yanvar kuni Oʻzbekiston Respublikasi Jamoat xavfsizligi universiteti Ma'naviyat va ma'rifat markazida kursantlar shaxsiy tarkibi oʻrtasida “Najot – ilmda!” shiori ostida jadid bobomiz Abdulla Avloniyning “Turkiy Guliston yoxud axloq” nomli asari asosida kitobxonlik kechasi oʻtkazildi. Kechada Yozuvchilar uyushmasi a'zosi, shoir Alisher Boymurodov oʻzining ma'ruzasi va she'riy chiqishlari bilan ishtirok etib, tadbirga shukuh bagʻsh etdi. Shundan soʻng, jadid bobomiz Abdulla Avloniyning “Turkiy Guliston yoxud axloq” nomli asarida mavjud sifatlari boʻyicha tadbir ishtirokchilari oʻrtasida savol-javob tariqasida suhbat oʻtkazilib, ularga yetarlicha ma'lumotlar berildi.