Jamoat xavfsizligi universiteti Ma’naviyat va ma’rifat markazida o‘tkazilgan taqdimotda Respublika Maʼnaviyat va maʼrifat markazi xodimlari, yozuvchilar, Universitet rahbariyati, ofitser va kursantlar, Temurbeklar maktabi, maktab o’quvchilari ishtirok etdi. Mazkur kitob haqida tadbirda Respublika Maʼnaviyat va maʼrifat markazi xodimlari kitob mualliflari tomonidan ushbu kitobning qanchalik qiziqarli va dolzarb ekanligini so‘zlab berishdi. Aynan ushbu kitob Vatanparvarlikka yo‘g‘irilganligi bilan ahamiyatli ekanligini taʼkidlashdi. Unda tarix bilan bugungi kun hamoxang ekanligi, zamonaviy texnologiyalardan foydalanilganligi, jumladan QR kodlarni mobil qurilmadan foydalangan holda o‘qish va video tasvirlarni yoshlar ko‘rishi mumkinligi aytib o‘tildi. Shuningdek, tadbir davomida Oʻzbekiston Davlat drama teatri aktyorlari tomonidan sahnalashtirilgan “To’maris”, tarixiy dramasidan To’maris monologini ijro etishdi. Qolaversa, universitet orkestri va “Alvon beretlar” badiiy havaskorlik jamoalarining musiqiy chiqishlari yig’ilganlarga ko’tarinki kayfiyat bag’ishladi. Bundan tashqari Jamoat xavfsizligi universiteti kutubxonasiga yosh kursantlar uchun “Men ham harbiy bo‘laman” nomli kitobning 50 donasi taqdim etildi. Albatta o‘tkazilayotgan bu kabi tadbirlar vatanparvarlikni yuksaltirishga qaratilganligi bilan ham ahamiyatlidir.
