Butun dunyoda globallashuv va raqamlashtirishga o‘tilishi dunyo iqtisodiyoti taraqqiyotiga va ilm-fan uchun rivojlantiruvchi vosita bo‘libgina qolmay, balki jinoyatlarni, jumladan, kibermakondagi jinoyatlarni, sodir etish bo‘yicha zamonaviy mexanizmlarini rivojlantirish uchun imkoniyat yaratadi. O‘zbekistonda olib borilayotgan islohotlarning natijalarini muhokama qilish, jinoyat ishi yurituvini raqamlashtirish orqali muddatlarni jadallashtirish va kelgusida ularni yanada yaxshilash yo‘llarini ishlab chiqish maqsadida Oʻzbekiston Respublikasi Jamoat xavfsizligi universitetida 2024-yil 25-dekabr kuni «Jinoyat ish yurituvini raqamlashtirish orqali ish yurituv muddatlarini jadallashtirish» mavzusida ilmiy-amaliy konferensiya o‘tkazildi. Mazkur ilmiy-amaliy konferensiya jinoyat ish yurituvini raqamlashtirish orqali ish yurituv muddatlarini jadallashtirishni o‘rganish, ushbu jinoyat ishlarini jadallashtirish choralarini tadqiq etish, ish yurituvini muddatlarini hal etishning ilmiy zamonaviy uslublarini tahlil qilish masalalari, shuningdek, ushbu turdagi ishlarning nazariy va amaliy tahlil qilish maqsadida tashkil etildi. Mazkur ilmiy-amaliy konferensiyada O‘zbekiston Respublikasi Jamoat xavfsizligi universiteti, O‘zbekiston Respublikasi Raqamli texnologiyalar vazirligi, Namangan Davlat universiteti, Buxoro Davlat Universiteti, Guliston Davlat universiteti, O‘zbekiston Respublikasi IIV Akademiyasi professor-o‘qituvchilari, doktorantlari, mustaqil izlanuvchilari va ommaviy axborot vositalari xodimlari ishtirok etdi. Ilmiy-amaliy konferensiya davomida ma’ruzachilar konferensiya ishtirokchilari tomonidan berilgan savollarga javoblar berishdi, ilmiy-amaliy konferensiyada kun tartibiga qo‘yilgan masalalar qizg’in muhokama qilindi.