Joriy yilning 26-sentabr kuni Qurolli Kuchlar Akademiyasining “Qurollanish va otish kafedrasi” va Jamoat xafvsizligi universitetininng “O‘q otish tayyorgarligi” kafedrasining hamkorlik rejasiga asosan, Jamoat xavfsizligi unifersiteti harbiy xizmatchilari kapitan Mirzaliyev Nursulton va 3-bosqich kursanti Abduxafizov Sardor “Zamonaviy jangovar harakatlarda qurol-aslahalarni qo‘llash muammolari: talab va takliflar” mavzusidagi respublika kursantlar konferensiyasida ishtirok etdi. Kursant Abduxafizov Sardor “Shahar sharoitida o‘q otar qurollar qo‘llashning o‘ziga xos xususiyatlari” mavzusida ma’ruza qildi. Ma’ruzasi davomida u shahar sharoitidagi jangovar harakatlar va o‘q otar qurollarni qo‘llash  xususiyatlari va xorijiy rivojlangan mamlakatlar armiyalarida o‘q otar qurollar qo‘llashning o‘ziga xos xususiyatlarini zamonaviy taktik tahlilidan kelib chiqqan holda O‘zbekiston Respublikasi Qurolli Kuchlarining taktik o‘q otish tayorgarligini takomillashtirish bo‘yicha takliflar berib o‘tdi. Konferensiya yakuniga ko‘ra, kursant Abduxafizov Sardor Qurolli Kuchlar Akademiyasi boshlig’ining faxriy yorlig’i bilan taqdirlandi.