Joriy yilning 5-dekabr kuni Jamoat xavfsizligi universitetida Ijtimoiy-gumanitar fanlar kafedrasi tashabbusi bilan O‘zbekiston Respublikasi Konstitutsiyasi qabul qilinganligining 32 yilligi munosabati bilan “O‘zbekistonning eng yangi tarixi” fani doirasida “Konstitutsiya – Yangi O‘zbekiston taraqqiyotining poydevori” shiori ostida “Bilimlar bellashuvi” o‘tkazildi. Ushbu bellashuvda Universitet 1-bosqich kursant va talabalaridan tashkil etilgan 10 ta jamoa ishtirok etdi va Ijtimoiy-gumanitar fanlar kafedrasi professor-o‘qituvchilaridan iborat hakamlar hay’ati tomonidan baholab borildi. Ishtirokchilar turli darajadagi savol va topshiriqlar orqali o‘z bilimlarini sinadilar hamda yangi ma’lumotlarga ega bo‘ldilar. Eng topqir va zukko jamoalar g‘oliblikni qo‘lga kiritdilar.
