2025-yil 28-mart kuni O‘zbekiston Respublikasi Jamoat xavfsizigi universitetida 4 ta oliy ta’lim muassasalari psixologiya yo‘nalishi talaba-kursantlari o‘rtasida “Umumiy psixologiya” fanidan olimpiada o‘tkazildi.

Olimpiadada quyidagi oliy va oliy harbiy ta’lim muassasalari talaba-kursantlari ishtirok etdilar:

1. Alfraganus universiteti;
2. O‘zbekiston Respublikasi IIV Akademiyasi;
3. Toshkent xalqaro moliyaviy boshqaruv va texnologiyalar universiteti;
4. O‘zbekiston Respublikasi Jamoat xavfsizligi universiteti.

Fan olimpiadasi “Test topshiriqlari” va “Zakovat” shartlari asosida o‘tkazildi. Test sinovlari “My test” dasturi asosida inson omili ishtirokisiz o‘tkazildi. Qatnashchi talaba-kursantlar 30 ta savoldan iborat test topshiriqlariga javob berdilar.

Fan olimpiadasi “Test topshiriqlari” sharti natijalariga ko‘ra quyidagi natijalar qo‘lga kiritildi:

1-o‘rin – kursant Muratov Jahongir Shavkatovich – O‘zbekiston Respublikasi Jamoat xavfsizligi universiteti kursanti;

2-o‘rin – kursant Amanova Angelina Sharofiddinovna – O‘zbekiston Respublikasi IIV Akademiyasi kursanti;

3-o‘rin – talaba Nishanova Sarvinoz Doniyorovna - Toshkent xalqaro moliyaviy boshqaruv va texnologiyalar universiteti talabasi.

Fan olimpiadasining “Zakovat” sharti natijalariga ko‘ra, quyidagi nominatsiyalar qo‘lga kiritildi:

1. Alfraganus universiteti – “Eng faol jamoa”;
2. O‘zbekiston Respublikasi IIV Akademiyasi – “Eng zukko jamoa”
3. Toshkent xalqaro moliyaviy boshqaruv va texnologiyalar universiteti – “Eng kreativ jamoa”;
4. O‘zbekiston Respublikasi Jamoat xavfsizligi universiteti – “Eng bilimdon jamoa”.