Oʻzbekiston Respublikasi Prezidenti, Qurolli Kuchlar Oliy Bosh Qoʻmondoni Sh.M.Mirziyoyev raisligida 2024 yil 12 yanvar kuni oʻtkazilgan Xavfsizlik kengashining kengaytirilgan yigʻilishida belgilangan vazifalar ijrosini ta'minlash, harbiy xizmatchilarni vatanparvarlik, ona Vatanga muhabbat va sadoqat ruhida tarbiyalash, ularda milliy va jangovarlik tuygʻularini kuchaytirish, ma'naviy, madaniy va ijodiy salohiyatini yanada rivojlantirish maqsadida, shuningdek, Oʻzbekiston Respublikasi davlat mustaqilligining 33 yilligi munosabati bilan Qurolli Kuchlar tarkibiga kiruvchi vazirlik-idoralar harbiy xizmatchilari hamda 18 va undan yuqori yoshdagi havaskor va professional ijodkorlar oʻrtasida “Eng yaxshi vatanparvarlik ruhidagi qoʻshiq” tanlovining Respublika bosqichi kuni kecha Jamoat xavfsizligi universiteti Ma'naviyat va ma'rifat markazida oʻtkazilgan edi.
Bugun Respublika Ma'naviyat va ma'rifat markazida ushbu tanlovning taqdirlash marosimi boʻlib oʻtdi.
Eng quvonarlisi ushbu koʻrik tanlovda Universitet harbiy xizmatchisi katta leytenant Shuhratxon Muhammadxonov faxrli 1-oʻrinni egallab, 50 000 000 soʻm pul mukofotiga ega boʻldi.