Ўзбекистон Республикаси Жамоат хавфсизлиги университети Ҳарбий-ватанпарварлик, маънавий-маърифий тарбия ва ёшлар билан ижтимоий ишлаш кафедраси бошлиғи Ш.Акрамова томонидан Қашқадарё вилояти, Китоб тумани, Мустақиллик МФЙ,  Истиқлол кўчаси 54 уйда жойлашган Болалар уйи фаолиятини ўрганилди.Ушбу Болалар уйида 50 нафар тарбияланувчи, улардан ўғил болалар 23 нафар, қиз болалар 27 нафарни ташкил қилади.Болалар уйида 26 нафар тарбиячи фаолият юритади. Ўрганиш жараёнида тарбиячиларнинг иш ҳужжатлари билан танишилди. Тарбиячилар ўз тарбияланувчилари билан олиб борадиган машғулотлари ва таълим-тарбия жараёни, йиллик, кундалик иш режалари билан танишилди. Тарбиячиларни ўз устида ишлаш дафтари асосида амалга оширилаётган иш фаолиятлари ҳамда тарбияланувчилар билан педагогик-психологик ва коррекцион ишлар амалга ошириш жараёни ўрганилди.Тарбиячиларга иш фаолиятларини ўрганган ҳолда, уларга кафедра профессор-ўқитувчилари томонидан керакли таклиф ва тавсиялар берилди.