Мамлакатимизда амалга оширилаётган ёшларга оид давлат сиёсати негизида ҳам жисмоний, ҳам маънавий жиҳатдан соғлом, ҳеч кимдан кам бўлмасдан, бошини баланд кўтариб яшайдиган, Ватанимизнинг тақдири ва истиқболи учун масъулиятни ўз зиммасига олишга қодир бўлган баркамол авлодни тарбиялашдек устувор мақсад мужассам. Хусусан, жорий йилнинг 25 сентябрь куни Ўзбекистон Республикаси Жамоат хавфсизлиги университетида Ўзбекистон Республикаси давлат мустақиллигининг 32 йиллиги муносабати билан “Янги ҳаёт учун, Янги Ўзбекистон учун” деган бош ғоя остида бўлинмалар ўртасида ташкил этилган “Энг яхши саф қўшиғи” кўрик-танлови ҳам амалга оширилаётган эзгу ишларнинг яна бир ёрқин исботидир. Қизғин ўтган кўрик-танловда ижро этилган саф қўшиқлари жарангдор куйланиши, ифодали айтилиши, синхронлилиги ва Саф низоми талабларига риоя этилиши бўйича ҳакамлар ҳайъати томонидан 10 баллик тизимда баҳоланди.

 Кўрик-танлов якунига кўра:

3-ўринларни Бакалавриат факультети 4-курсантлар батальони ҳамда Қўриқлаш ва ўқув жараёнини таъминлаш батальони шахсий таркиби қўлга киритиб, 3-даражали диплом ва эсдалик совғалар билан тақдирланди;

2-ўринни Бакалавриат факультети 1-курсантлар батальони шахсий таркиби қўлга киритиб, 2-даражали диплом ва эсдалик совғалар билан тақдирланди;

1-ўринни Бакалавриат факультети 2-курсантлар батальони шахсий таркиби қўлга киритиб, 1-даражали диплом ва эсдалик совғалар билан тақдирланди.