Ўзбекистон Республикаси Жамоат хавфсизлиги университети “Хизмат фаолиятини тарбивий-психологик таъминлаш” кафедраси профессор-ўқитувчилари томонидан тайёрланган “Касбий психология” дарсликлари нашр этилди.

“Патрул-пост хизмати фаолиятининг қўмондонлик-тактик”, “Йўл-патрул хизмати фаолиятининг қўмондонлик-тактик”, “Паспорт тизимини ҳуқуқий таъминлаш” йўналишлари учун “Касбий психология” фанининг  ўқув дастурлари асосида тайёрланган дарсликларда соҳавий хизмат йўналишларининг психологик жиҳатлари ва ўзига хос хусусиятлари, турли тоифадаги шахслар билан психологик алоқа ҳамда ишончли муносабат ўрнатиш, уларга қонун доирасида психологик таъсир кўрсатиш, фуқароларнинг турли хулқ-атвор шакллари ва руҳий-эмоционал ҳолатлари, имо-ишора, мимика, юз ифодаси, ҳаракатланиш, муомалани психологик жиҳатдан тушунишга оид назарий ва амалий тушунча, билимларни ошириш ва мустаҳкамлашга қаратилган тажрибалар ўз ифодасини топган.

Дарслик Университетнинг юқоридаги йўналишларида таҳсил олаётган курсантлари учун етарли миқдорда нашр этилиб, Ахборот-ресурслар марказига жойлаштирилди.