Ўзбекистон Республикаси Жамоат хавфсизлиги университетида муддатли ҳарбий хизматни ўтаётган муддатли ҳарбий хизматчилар бугун бир йиллик хизмат давомида эгаллаган билимларини синовдан ўтказиш учун тест имтиҳонларини топширишди. Ушбу имтиҳонлар Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги мутахассислари томонидан назорат қилинган ҳолда шаффофлик тарзида ўтказилди. Бугунги тест синовларида жами 100 та савол бўлиб, шундан: 40 таси жанговар тайёргарлик фанларидан, 20 таси маънавий-маърифий тайёргарлик фанларидан, 10 таси математика, 10 таси физика ҳамда 20 таси мантиқий тест саволларидан ташкил топган. Мазкур тест синовларига қатнашаётган муддатли ҳарбий хизматчиларнинг тест натижаларига кўра, энг юқори балл тўплаган муддатли ҳарбий хизматчиларнинг 40 фоизи, Президентимизнинг тегишли қарорига асосан олий таълим муассасаларига ўқишга киришлари учун имтиёзли Тавсияномага эга бўладилар.