Бугунги кунда Ўзбекистон Республикаси Қуролли Кучларининг қўмондонлик бўғинига мансуб бўлган бўлажак профессионал офицер кадрларни тайёрлаш, уларда Ватанга муҳаббат, ўз касбига бўлган садоқат ҳисларини кучайтириш, ҳарбий билимларни оширишга бўлган қизиқишларини қўллаб-қувватлаш, турли хил вазиятларда тезкорлик билан ностандарт қарорлар қабул қилиш, ҳамкорлик ва бошқарувни ташкиллаштириш тартиби, шунингдек, офицерлар учун зарур бўлган юқори интеллектуал салоҳият ва етакчилик фазилатларини ривожлантириш бўйича тизимли ишлар олиб борилмоқда. Ушбу йўналишда белгиланган вазифалар доирасида жорий йилнинг бошида Ўзбекистон Республикаси Жамоат хавфсизлиги университети ташаббуси билан Ўзбекистон Республикаси Қуролли Кучлари Моделлаштириш ва симуляция маркази ва Ўзбекистон Республикаси Қуролли Кучлари Академиясининг дала ўқув майдонида Жамоат хавфсизлиги университети, Қуролли Кучлар Академияси ва Чирчиқ олий танк қўмондонлик муҳандислик билим юртининг тинловчи ва курсантлари билан ҳамкорликдаги амалий машғулотлар ўтказилди. Ушбу ҳамкорликдаги амалий машғулотларда назарда тутилган барча ўқув саволлари бой тажрибага эга бўлган профессор-ўқитувчилар томонидан тўлақонли ёритилиб, машғулотлар реал жанговар ҳолатларга максимал даражада яқинлаштирилган ҳолатда ўтказилиб, унинг натижасида тингловчи ва курсантларнинг билим ва кўникмаларини янада оширилишга ҳамда тажриба алмашишга эришилди. Келгусида бу каби тадбирларни Олий ҳарбий таълим муассасалари ўртасида янада жадаллаштириш бўйича келишиб олинди.