Жорий йилнинг 30 ноябрь куни Ўзбекистон Республикаси Жамоат хавфсизлиги университетида Ўзбекистон Республикаси Вазирлар Маҳкамасининг 2022 йил 7 март кунидаги 101-Ф фармойиши билан тасдиқланган режага асосан, “Умумий тактика ва оператив санъат” кафедраси ташкилотчилигида “Мудофаа ва хавфсизлик соҳасида халқаро ҳамкорлик истиқболлари” мавзусида Халқаро илмий-амалий анжуман ўтказилди. Анжуманда мудофаа ва хавфсизлик соҳасидаги долзарб муаммолар ва уларни ечимлари юзасидан Россия Федерацияси, Белоруссия Республикаси, Қозоғистон республикаси ва БМТ дан мутахассислар ўзларининг маъруза, таклиф ва тавсиялари билан иштирок этишди. Анжуман қизғин баҳс-мунозара бой тарзда ўтказилди.
