Жорий йилнинг 2 февраль куни Ўзбекистон Республикаси Жамоат хавфсизлиги университетига Қозоғистон Республикаси Миллий гвардияси қўмондони генерал-майор Ботаканов Еркин Советбекович раҳбарлигидаги делегациянинг ташрифи амалга оширилди. Ташриф давомида Университет бошлиғи полковник М.Х.Рустамбаев делегация аъзоларини Университет ўқув биноси, махсус тайёргарлик тренажерлари, ўқув моддий базаси ва инфратузилмаси билан таништириб ўтди. Мазкур ташрифда икки томонлама ҳамкорлик алоқаларини ўрнатиш, кадрлар тайёрлаш соҳасида ҳамкорлик қилиш истиқболлари муҳокама қилинди. Амалга оширилган ташриф якунида делегация аъзоларига Университет “Маърифат ва маданият” марказида концерт дастури намойиш этилди. Ушбу концерт дастурида Университет курсантларининг мусиқий ансамбли ва Ўзбекистон Республикаси Миллий гвардияси республика ихтисослаштирилган мусиқа академик лицейи ўқувчилари ўзларининг мусиқий чиқишлари билан делегация аъзоларида илиқ таассуротлар қолдиришди. Ташриф якунида Қозоғистон Республикаси Миллий гвардияси қўмондони генерал-майор Ботаканов Еркин Советбекович Университет бошлиғига миннатдорчилик билдириб, у раҳбарлик қилаётган таълим масканига муваффaқиятлар ва улкан зафарлар тилади.
