Жорий йилнинг 26 апрель Ўзбекистон Республикаси Жамоат хавфсизлиги университетида университет бошлиғининг Ахборот технологияларни ривожлантириш бўйича ўринбосари подполковник И.И.Муракаев бошчилигида “Project Managers” компанияси ва университет ўқув-услубий ситуацион маркази, Aхборот коммуникацион технологиялар кафедраси, таянч докторантура вакиллари ҳамда илмий-амалий тўгарак аъзолари ўртасида “Замонавий компьютер симуляцияларни (ўйинлар) дастурлашнинг ўзига хос ҳусусиятлари ва “Virtual Reality (VR) технологияларини Ўзбекистонда жорий этиш истиқболлари” мавзусида давра суҳбати ўтказилди.
Учрашув давомида Project Managers етакчи мутахасиси дастурчи Элбек Сатторов компания томонидан ишлаб чиқилган “Мангу саркарда” бобоколонимиз Aмир Темур давридаги компьютер симулятор билан таништирди ва келгусида ҳозирги кунда Aхборот технологиялари соҳасида лойиҳаларни олиб бориш “Қизиқарли ғоядан – тан оладиган дастурий брендгача” бўлган босқичларнинг сир-асрорлари бўйича фикр мулоҳазалар берилди. Йиғилиш иштирокчилари ўз лойиҳаларига истиқболли ёндашиш бўйича маслаҳатлар олишди ва ўзларини қизиқтирган саволларига жавоблар олдилар.