Жамоат хавфсизлиги университетида Тошкент вилояти Зангиота тумани ҳамда Тошкент шаҳар Олмазор тумани умумтаълим мактаб ва маҳаллалари ўқувчи-ёшлари ҳамда уюшмаган ёшлари учун “Миллий гвардия – ёшлар нигоҳида” шиори остида “Очиқ эшиклар куни” тадбири ўтказилди. Дастлаб тадбирда ёшлар Университет фаолияти, курсантларга яратилган шароитлар билан яқиндан таништирилди. Шундан сўнг, ёшлар эътиборига курсантлар таркибидан иборат қўл жанги ва қурол билан саф гуруҳлари томонидан кўргазмали чиқишлар намойиш этилди. Кўргазмали чиқишларлардан сўнг, ёшларни жамоаларга бўлган ҳолда улар ўртасида спортнинг “Кроссфит” ва “Арқон тортиш” турлари бўйича мусобақа ташкиллаштирилди. Кўтаринки руҳда ўтган спорт мусобақасидан сўнг, ёшлар эътиборига  ҳарбий техникалар, қурол-аслаҳалар, радиоалоқа воситалари ҳамда отлар кўргазмаси намойиш этилди.