Ўзбекистон Республикаси Жамоат хавфсизлиги университетида ёш аскарларни Ватанга ва Ўзбекистон Республикаси Миллий гвардияси хизматига кириш қасамёдларини қабул қилдиришга бағишланган тантанали маросими бўлиб ўтди.Тадбирда сўзга чиққан Жамоат хавфсизлиги университети бошлиғи полковник Рустамбаев Мирзаюсуп Хакимович қасамёд ҳар бир Ватан ҳимоячиси учун муқаддас эканлигини, унга содиқлик – берилган ваъдага вафо, ор-номусни ҳимоя қилиш каби ҳақиқий ватанпарварларга хос бўлган хусусиятлардан бири саналишини эътироф этди. Шундан сўнг, ёш аскарлар Ватанга ва Ўзбекистон Республикаси Миллий гвардияси хизматига кириш қасамёдларини қабул қилдилар. Шунингдек, тантанали тадбирда Ўзбекистон Республикаси Миллий гвардияси Марказий девон офицерлари, Ўзбекистон Республикаси Олий Мажлиси Сенатининг Мудофаа ва хавфсизлик масалалари қўмитаси аъзолари, Ўзбекистон халқ артистлари, Университет Фахрийлар кенгаши раиси ва аъзолари Минбарда сўзга чиққанлар ёш аскарларни қасамёд қабул қилганликлари билан самимий қутлади. Сўнгра, ҳарбий оркестр садолари остида Ўзбекистон Республикасининг Давлат мадҳияси ижро этилди. Шундан сўнг, тадбир қатнашчиларига Университет курсантларидан иборат бўлган қурол гуруҳи томонидан сафона ҳамда “Қўл жанги” каби кўргазмали чиқишлари намойиш этилди. Ёш аскарларнинг қасамёдига бағишланган тантанали маросимдан сўнг, аскарлар учун концерт-дастурлари намойиш этилди. Ватанга қасамёд қабул қилиш маросимлари Миллий гвардияга қарашли барча ҳарбий қисмларда юқори савияда ўтказилмоқда.