Жамоат хавфсизлиги университетининг Махсус тактик тайёргарлик ва жанговар қўллаш кафедраси бошлиғи полковник К.Хайдаров томонидан Навоий вилояти Зарафшон шаҳридаги 12-сонли умумий ўрта таълим мактабида юқори синф ўқувчилар билан “Ўзбекистон Республикаси Жамоат хавфсизлиги университетида таҳсил олишни хоҳлайсизми?” мавзусида тарғибот тадбирлари ўтказилди.
Тарғибот тадбирларида ўқувчиларга Ўзбекистон Республикаси Жамоат хавфсизлиги университетидаги ихтисослик йўналишлари, топшириладиган фанлар мажмуи ҳамда ўқишга кириб таълим олишни истовчи ўқувчилар учун танлов ва синовлар тартиби тўғрисида тўлалигича тушинтириш бериб ўтилди. Тарғибот мавзуси бўйича видеоролик қўйиб кўрсатилди ва тарғибот буклетлари тарқатилди. Ўқувчилар томонидан берилган уларни қизиқтирган саволларга атрофлича жавоб берилди. Ўқувчилар билан учрашув қизиқарли савол-жавоблар билан мазмунан янада бойиди. Тарғибот тадбирлари тўғрисидаги маълумотлар Зарафшон шаҳри сайтига жойлаштирилди.
Шунингдек ташриф давомида юқори синф ўқувчилари билан “Ватанпарварлик ойлиги” доирасида ватанпарварлик тарбияси, тинчликни ардоқлаш, эзгу мақсадлар йўлидаги интилишлар, буюк аждодларимизга муносиб ворислар бўлиб етишиш каби мавзуларда суҳбат олиб борилди. Уларнинг келажакдаги орзу истаклари билан ўртоқлашилди, уларга бажариши зарур бўлган вазифалари, учраши мумкин бўлган тўсиқлар ва ғовларни енгиб ўтиш бўйича тавсия ва маслаҳатлар берилди.