Ўзбекистон Республикаси Жамоат хавфсизлиги Университети профессор-ўқитувчилари, ҳарбий хизматчилари ва ходимлардан ташкил топган ишчи гуруҳ аъзолари Тошкент вилояти Чиноз шаҳридаги Республика қиз болалар ўқув-тарбия муассасасига ташриф буюрдилар. У ерда мавжуд моддий – техник база, сақланаётган тарбияланувчиларнинг муассасага нима сабабдан келганлиги, қандай оилда тарбия топганлиги, бугунги кунда унинг ўзининг ҳатти ҳаракатларидан пушаймонлик ҳисси мавжудми ёки йўқлигини, уларнинг хозирги кундаги психологик холатлари, ички кечинмалари ўрганилди. Тарбияланувчилар билан олиб борилаётган таълим-тарбия жараёнлари, уларнинг хулқ-атворини ўзгартириш борасида амалга оширилаётган ишлар, уларга кўрсатилаётган тиббий хизмат билан танишилди ва ўрганиш натижаларига кўра илмий асосланган таклифлар ва услубий қўлланма ишлаб чиқилди.Ўрганиш жароёнида тарбияланувчилар билан психологик тренинглар, аноним сўровлар, давра суҳбатлари ва бошқа кўнгилочар тадбирлар ўтқазилди ва айрим тарбияланувчиларга ўқув қуроллари, гигиена воситалари совға қилинди ҳамда ширинликлар улашилди. Муассаса раҳбарияти билан тарбияланувчиларнинг таълими ва тарбияси юзасидан келажакда қилинадиган ишлар режалаштириб олинди.