Ўзбекистон Республикаси Миллий гвардияси "Қўриқлаш" бош бошқармасининг янги биносида 1 октябрь — “Ўқитувчи ва мураббийлар куни” муносабати билан байрам тадбири ташкил этилди. Ушбу тадбирда Жамоат хавфсизлиги университети шахсий таркиби онлайн тарзда иштирок этди. Дастлаб, тадбирда Ўзбекистон Республикаси Миллий гвардияси қўмондони Ўқитувчи ва мураббийлар куни умумхалқ байрами билан Миллий гвардия тизимида фаолият олиб бораётган устоз ва мураббийларни самимий муборакбод этди. Шундан сўнг, байрам муносабати билан соҳада хизмат фаолиятини олиб бораётган бир гуруҳ ҳарбий хизматчи ва ходимларни рағбатлантириш маросими бўлиб ўтди. Шунингдек, тадбирда Ўзбекистонда хизмат кўрсатган халқ артислари ва хонандалари ҳамда Университет курсантларидан ташкил топган Ансамбл жамоаси ўзларининг севимли тароналари билан иштирок этиб, барча йиғилганларга кўтаринки кайфият баҳш этди.