2022-2023 ўқув йили давомида Ўзбекистон Республикаси ДХХ Академияси, Ўзбекистон Республикаси Қуролли Кучлари Академияси, Ўзбекистон Республикаси ИИВ Академияси, Ўзбекистон Республикаси ФВВ Академияси, Ўзбекистон Республикаси Жамоат хавфсизлиги университети
ва Ўзбекистон Республикаси ДБҚ Божхона институти курсантларини ҳарбий-ватанпарварлик, маънавий-ахлоқий руҳда ҳамда жисмонан соғлом этиб тарбиялаш бўйича ҳамкорлик режаси”нинг 1.4-банди ижроси юзасидан, жорий йилнинг 22 декабрь куни пойтахтимизнинг “Ёшлар маркази”да  “Конституция билимдони” кўрик-танлови ўтказилди. Дастлаб, кўрик-танлов иштирокчилари оркестр садолари остида кутиб олинди. Танлов таништирув, савол-жавоб ҳамда жамоалар ўзлари тайёрлаб келган бадиий чиқиш шартлари асосида қизиқарли баҳс-мунозараларга бой тарзда бўлиб ўтди. Танлов якунига кўра, Ўзбекистон Республикаси ИИВ Академиясининг “Қомусимиз қалқонлари” жамоаси учинчи ўрин, Ўзбекистон Республикаси ДХХ Академиясининг “Ифтихор” жамоаси иккинчи ўрин ҳамда Ўзбекистон Республикаси Жамоат хавфсизлиги университетининг “Жасорат” жамоаси фахрли биринчи ўринни эгаллади. Шунингдек, кўрик-танловда Жамоат хавфсизлиги университетининг Ансамбл ва хор жамоаси иштирокидаги мусиқий чиқишлари йиғилганларга кўтаринки кайфият бағишлади.