Тошкент вилоятида жойлашган Чирчиқ дала полигонида Ўзбекистон Республикаси Жамоат хавфсизлиги университети контракт бўйича ҳарбий хизматчи ва курсантларидан ташкил топган штатдан ташқари мутахассис пулемётчи ва мерганлари иштирокида ўқ отиш тайёргарлиги фанидан амалий машғулотлар ўтказилди. Амалий машғулотда ҳар хил истеҳком (позиция)лардан пулемёт ва мерганлик милтиғидан ўқ отиш техник элементларини машқ қилиш (ётган, тиззалаб, тик турган ҳолда), шунингдек ўқ отишнинг техник элементларини бажариш бўйича машғулот ўтказилди.
