Жорий йилнинг 7 март куни Ўзбекситон Республикаси Жамоат хавфсизлиги университетида “8 март – Халқаро хотин-қизлар куни” муносабати билан “ҲАЁТИМИЗ ГУЛИ, ОФТОБИ АЁЛ” номли байрам тадбири ўтказилди. Тадбирда дастлаб Ўзбекистон Республикаси Миллий гвардияси қўмондони ҳамда Университет бошлиғининг байрам табриги ўқиб эшиттирилди. Шундан сўнг, байрам муносабати билан барча хотин-қизлар муносиб тақдирландилар. Тадбир давомида хотин-қизлар эътиборига санъаткорлар томонидан куй ва қўшиқлар ижро этилди. Шунингдек, мунис аёлларимизга сана муносабати билан байрам дастурхони ташкил этилди.
